ഷാർജ രാജ്യാന്തര വിമാനത്താവളത്തിലെ യാത്രക്കാരുടെ എണ്ണത്തിൽ വർധന. മുൻ വർഷത്തെ അപേക്ഷിച്ച് കഴിഞ്ഞ വർഷം 11.4 ശതമാനം വർധന രേഖപ്പെടുത്തി. 2023ൽ 1.5 കോടി പേരെ വിമാനത്താവളം സ്വീകരിച്ചപ്പോൾ കഴിഞ്ഞ വർഷം ഇത് 1.71 കോടി ആയി ഉയർന്നു. 1,07,760 വിമാന സർവിസുകളാണ് കഴിഞ്ഞ വർഷം പൂർത്തിയാക്കിയത്. 9.5 ശതമാനമാണ് വിമാന സർവിസുകളിലെ വർധന.

കഴിഞ്ഞ വർഷം പുതിയ ഏഴ് വിമാനത്താവളങ്ങളിലേക്ക് എയർ അറേബ്യ നേരിട്ട് സർവിസ് നടത്തിയതു യാത്രക്കാരുടെ എണ്ണം കൂടാൻ കാരണമായി. പോളണ്ട്, ഗ്രീസ്, ഓസ്ട്രിയ ട്രിപ്പോളി, മാലദ്വീപ് എന്നി രാജ്യങ്ങളിലേക്കാണ് എയർ അറേബ്യ പുതിയ സർവിസ് തുടങ്ങിയത്. ആറ് പുതിയ എയർലൈനുകളും കഴിഞ്ഞ വർഷം ഷാർജയിൽ വിമാനമിറക്കി. പാക്കിസ്‌ഥാൻ, ലിബിയ, ഇറാഖ്, തുർക്കി, സഊദി തുടങ്ങിയ രാജ്യങ്ങളുടെ ഉടമസ്‌ഥതയിലുള്ള എയർലൈനുകളാണ് ഷാർജയിൽ പുതുതായി സർവിസ് ആരംഭിച്ചത്.

കാർഗോ രംഗത്തും പുരോഗതിയുണ്ടായതായി ഷാർജ രാജ്യാന്തര വിമാനത്താവള അതോറിറ്റി മേധാവി അലി സാലിം അൽ മിദ്ഫ വ്യക്തമാക്കി. ടാൻസനിയ, ഖത്തർ, ഈജിപ്‌ത് തുടങ്ങിയ രാജ്യങ്ങളിൽ നിന്നുള്ള എയർ കാർഗോ കമ്പനികൾ കണ്ണി ചേർന്നതും നേട്ടമായി. 2027 ആകുന്നതോടെ രണ്ടര കോടി പേരെ ഉൾക്കൊള്ളാൻ കഴിയും വിധത്തിലാണ് നിർമാണം.

Sharjah Airport has witnessed a significant surge in passenger traffic and flight services. The airport's strategic location and efficient operations have contributed to its growth, making it a hub for travel in the region