വാഷിങ്ടണ്‍: ക്യാപിറ്റല്‍ വണ്‍ അരീനയില്‍ നടന്ന ഡൊണാള്‍ഡ് ട്രംപിന്റെ സ്ഥാനാരോഹണ ചടങ്ങില്‍ തന്നെ വിവാദത്തിനും തുടക്കം. ഇലോണ്‍ മസ്‌കിന്റെ നാസി സല്യൂട്ട് ആണ് വിവാദമായിരിക്കുന്നത്. തുടര്‍ച്ചയായി മസ്‌ക് ഭാഗത്തു നിന്നുണ്ടായ ആംഗ്യം 'നാസി സല്യൂട്ട്' സമാനമാണെന്നാണ് നിരീക്ഷകര്‍ പറയുന്നത്. 

ട്രംപ് അനുകൂലികളുടെ നേരെയായിരുന്നു മസ്‌കിന്റെ ഈ പ്രവൃത്തി. ട്രംപിന്റെ വിജയം മനുഷ്യരാശിയുടെ യാത്രയില്‍ നിര്‍ണായകമാണെന്നും ചെറിയൊരു വിജയമായി ഇതിനെ കണക്കാന്‍ കഴിയില്ല എന്നുമായിരുന്നു മസ്‌ക്കിന്റെ പ്രതികരണം. 

പിന്നാലെ കൈവിരലുകള്‍ വിടര്‍ത്തി വലതുകൈ തന്റെ നെഞ്ചോട് ചേര്‍ത്ത് വീണ്ടും വിരലുകള്‍ ചേര്‍ത്തുവച്ച് സദസ്സിനെ നോക്കി മസ്‌ക് നാസി സല്യൂട്ട് ചെയ്തു. പുറകുവശത്ത് നില്‍ക്കുന്നവരുടെ നേരെയും ഇതേ രീതിയില്‍ അദ്ദേഹം സല്യൂട്ട് ചെയ്തു.

പിന്നീട് തന്റെ പ്രസംഗവും നാസി സല്യൂട്ട് ചെയ്യുന്നതിന്റെ ദൃശ്യവും മസ്‌ക് ഔദ്യോഗിക എക്‌സ് അക്കൗണ്ട് വഴി പ്രചരിപ്പിക്കുകയും ചെയ്തു. നാസി സല്യൂട്ടിന് പിന്നാലെ വലിയ വിമര്‍ശനം മസ്‌കിന് നേരെ ഉയര്‍ന്നു. അതേസമയം നാസി സല്യൂട്ടില്‍ അനുകൂലിച്ചും പ്രതികൂലിച്ചും ആളുകള്‍ രംഗത്തെത്തിയിരുന്നു.

DO NOT BELIEVE THE MEDIA

The media is misleading you. Elon Musk never did a Nazi salute. Watch the full video: He simply gestured and said, “Thank you, my heart goes out to you.” pic.twitter.com/e3vBaLoVqx

— DogeDesigner (@cb_doge) January 20, 2025

യു.എസ് പ്രസിഡന്റ് തെരഞ്ഞെടുപ്പില്‍ ട്രംപിന്റെ ഏറ്റവും വലിയ ചിയര്‍ ലീഡര്‍മാരില്‍ ഒരാളായിരുന്നു മസ്‌ക്.  പ്രചാരണത്തിനായി ഏകദേശം 270 മില്യണ്‍ ഡോളര്‍ സംഭാവനയാണ് മസ്‌ക് നല്‍കിയത്. യു.എസ് സര്‍ക്കാരില്‍ കാര്യക്ഷമതാ വകുപ്പിന്റെ((DOGE) ചുമതലയും മസ്‌കിന് നല്‍കിയിട്ടുണ്ട്. യുഎസ് പ്രസിഡന്റ് തെരഞ്ഞെടുപ്പില്‍ തകര്‍പ്പന്‍ വിജയം നേടിയതിന് പിന്നാലെ മസ്‌കിനെ പുകഴ്ത്തി ട്രംപ് രംഗത്തെത്തിയിരുന്നു. മസ്‌കിനെ 'സൂപ്പര്‍ ജീനിയസ്' എന്ന് വിശേഷിപ്പിച്ച ട്രംപ്, അദ്ദേഹത്തിന്റെ പ്രചാരണ പ്രവര്‍ത്തനങ്ങള്‍ക്ക് നന്ദിപറയുകയും ചെയ്തിരുന്നു.

ജര്‍മനിയില്‍ ഫെബ്രുവരി 23ന് നടക്കാനിരിക്കുന്ന തെരഞ്ഞെടുപ്പില്‍ ആള്‍ട്ടര്‍നേറ്റീവ് ഫോര്‍ ജര്‍മ്മനിയെ പിന്തുണച്ച് ഇലോണ്‍ മസ്‌ക് നേരത്തെ രംഗത്ത് വന്നിരുന്നു. കുടിയേറ്റ മുസ്‌ലിം വിരുദ്ധ നിലപാട് ഉയര്‍ത്തുന്ന ഈ പാര്‍ട്ടിയെ ജര്‍മനിയുടെ രക്ഷകരെന്നാണ് മസ്‌ക് വിശേഷിപ്പിച്ചത്. ഇതും വലിയ വിവാദങ്ങള്‍ക്ക് വഴിയൊരുക്കിയിരുന്നു.

The inauguration of Donald Trump at Capitol One Arena sparked controversy, particularly over Elon Musk's actions. Musk's gesture, described by some as resembling a Nazi salute, drew widespread attention.