കൊൽക്കത്ത: ഇന്ത്യ-ഇംഗ്ലണ്ട് അഞ്ചു ടി-20 മത്സരങ്ങളുടെ പരമ്പരയിലെ ആദ്യ മത്സരം നാളെയാണ് നടക്കുന്നത്. കൊൽക്കത്ത ഈഡൻ ഗാർഡനിൽ രാത്രി 7.00 മണിക്കാണ് മത്സരം നടക്കുക. ഈ പരമ്പരയിൽ ഇന്ത്യൻ ക്യാപ്റ്റൻ സൂര്യകുമാർ യാദവിന്‌ സിക്‌സറുകൾ കൊണ്ട് പുതിയ റെക്കോർഡ് സ്വന്തമാക്കാൻ സാധിക്കും. 

അഞ്ചു സിക്സർ കൂടി നേടിയാൽ ഇന്റർനാഷണൽ ടി-20യിൽ 150 സിക്സുകൾ പൂർത്തിയാക്കാൻ സൂര്യക്ക് സാധിക്കും. 78 ടി-20 മത്സരങ്ങളിൽ നിന്നും 145 സിക്സുകളാണ് സൂര്യകുമാർ യാദവ് നേടിയിട്ടുള്ളത്. 

ഇതോടെ ട്വന്റി ട്വന്റിയിൽ 150 സിക്സുകൾ നേടുന്ന രണ്ടാമത്തെ ഇന്ത്യൻ താരമായി മാറാനും സൂര്യക്ക് സാധിക്കും. ഇതിനു മുമ്പ് ഈ 150 സിക്സുകൾ നേടിയത് രോഹിത് ശർമ്മ മാത്രമാണ്. 159 മത്സരങ്ങളിൽ നിന്ന് 205 സിക്സറുകളാണ് രോഹിത് അടിച്ചെടുത്തത്. 

ഇംഗ്ലണ്ടിനെതിരെയുള്ള ഇന്ത്യൻ ടീം

സൂര്യകുമാർ യാദവ് (ക്യാപ്റ്റൻ), അക്സർ പട്ടേൽ (വൈസ് ക്യാപ്റ്റൻ), അഭിഷേക് ശർമ്മ, സഞ്ജു സാംസൺ (വിക്കറ്റ് കീപ്പർ), തിലക് വർമ്മ, ഹാർദിക് പാണ്ഡ്യ, റിങ്കു സിംഗ്, നിതീഷ് കുമാർ റെഡ്ഡി, ഹർഷിത് റാണ, അർഷ്ദീപ് സിംഗ്, മുഹമ്മദ് ഷമി, വരുൺ ചകരവർത്തി, രവി ബിഷ്ണോയ്, വാഷിംഗ്ടൺ സുന്ദർ, ധ്രുവ് ജുറൽ(വിക്കറ്റ് കീപ്പർ).