കണ്ണൂര്‍: ഇരിട്ടി കല്ലുട്ടിയിൽ കരിമ്പിൻ ജ്യൂസ് മെഷീനുള്ളിൽ കൈ കുടുങ്ങി യുവതിക്ക് പരുക്ക്. ഫയർഫോഴ്സും പൊലിസും സ്ഥലത്തെത്തി രക്ഷപ്പെടുത്തി യുവതിയെ ആശുപത്രിയിൽ എത്തിച്ചു. ഞായറാഴ്ച വൈകിട്ട് 5.30 ഓടെയായിരുന്നു സംഭവം. ഇരട്ടി കല്ലുമുട്ടിയൽ റോഡരികിൽ കരിമ്പിൻ ജ്യൂസ് കടയിൽ ജ്യൂസ് തയ്യാറാക്കുന്നതിനിടയിൽ  മെഷിന്റെ ഉള്ളിൽ കൈ കുടുങ്ങിയായിരുന്നു കല്ലുമുട്ടി സ്വദേശിയായ മല്ലികക്ക് പരുക്കേറ്റത്. 

കൈ കുടങ്ങിക്കിടക്കുന്നതിനാൽ നിലവിളിക്കുന്നത് കണ്ട നാട്ടുകാർ ഉടൻതന്നെ ഫയർഫോഴ്സിനെയും പൊലിസിനെയും വിവരം അറിയിച്ചു. വൈകാതെ എത്തിയ പൊലിസും ഫയർഫോഴ്സും ഒരു മണിക്കൂറോളം നീണ്ട ശ്രമത്തിനൊടുവിലാണ് കട്ടിംഗ് മെഷിൻ ഉപയോ​ഗിച്ച് കരിമ്പിൻ ജ്യൂസ് മെഷീൻ കട്ട് ചെയ്ത് കൈ പുറത്തെടുത്തത്. മല്ലികയുടെ നാലോളം വിരലുകൾ മെഷീനിൽ കുടുങ്ങി ചതഞ്ഞ നിലയിലാണ്. പരുക്കേറ്റ മല്ലികയെ ഇരിട്ടിയിലെ സ്വകാര്യ ആശുപത്രിയിൽ പ്രവേശിപ്പിച്ചു. സംഭവമറിഞ്ഞ് നിരവധി പേർ സ്ഥലത്തെത്തിയിരുന്നു.

A young woman's hand got trapped in a juice machine while preparing karimbin juice, requiring a grueling hour-long rescue operation to safely free her hand.