ദുബൈ / കയ്റോ: അറബ് സാമ്പത്തിക സാമൂഹിക കൗൺസിലിന്റെ 115-ാമത് യോഗത്തിനുള്ള തയ്യാറെടുപ്പ് യോഗങ്ങളുടെ അധ്യക്ഷ സ്‌ഥാനം ബഹ്റൈന് കൈമാറി യുഎഇ. സാമൂഹിക മേഖല ഉൾപ്പെടെ നിരവധി മേഖലകളിലെ സംയുക്ത അറബ് പ്രവർത്തനത്തിൻ്റെ എല്ലാ ചട്ടക്കൂടുകളെയും പിന്തുണയ്ക്കുന്നതിനുള്ള യുഎഇയുടെ പ്രതിബദ്ധത ജുമാ മുഹമ്മദ് അൽ ഖെയ്ത്തിൻ്റെ നേതൃത്വത്തിലുള്ള യുഎഇ പ്രതിനിധി സംഘം അറിയിച്ചു.

അറബ് സമൂഹങ്ങൾക്ക് വ്യക്‌തമായ പുരോഗതിയും സമൃദ്ധിയും നൽകുന്ന സംരംഭങ്ങൾക്ക് ഏറെ പ്രാധാന്യമുണ്ട്. മേഖലയിലെ സാമൂഹിക വികസനത്തിന് നേതൃത്വം നൽകുന്ന ഏറ്റവും പ്രധാനപ്പെട്ട വിജ്‌ഞാന-സാംസ്‌കാരിക സംരംഭങ്ങളിലൊന്നാണ് അറബ് റീഡിങ് ചലഞ്ച്. സാമ്പത്തിക, സാമൂഹിക വികസനത്തിൽ പൊതുവായ ലക്ഷ്യങ്ങൾ കൈവരിക്കുന്നതിനുള്ള അടിസ്ഥാന സ്തംഭമായും റോഡ്‌മാപ്പായും വർത്തിക്കുന്ന സാമ്പത്തിക, സാമൂഹിക കൗൺസിലിൻ്റെ 114-ാമത് സെഷൻ്റെ പ്രമേയങ്ങൾ നടപ്പിലാക്കുന്നതിനുള്ള സംയുക്‌ത ശ്രമങ്ങൾ തുടരേണ്ടതിന്റെ പ്രാധാന്യവും അദ്ദേഹം എടുത്തുപറഞ്ഞു.

ഇറാഖിൽ നടക്കാനിരിക്കുന്ന 34-ാമത് അറബ് ലീഗ് കൗൺസിലിന്റെ പതിവ് ഉച്ചകോടി സെഷനായുള്ള സാമ്പത്തിക, സാമൂഹിക രേഖയുടെ സാമൂഹിക വശങ്ങളും കരട് അജണ്ടയിൽ ഉൾപ്പെടുത്തിയിട്ടുണ്ട്.

The United Arab Emirates (UAE) has officially taken over the chairmanship of the Arab Economic and Social Council from Bahrain, marking a significant shift in leadership.