കുവൈത്ത് സിറ്റി: ഗതാഗത നിയമ ലംഘനത്തിന് പിഴയടയ്ക്കാൻ ആവശ്യപ്പെട്ട് ആഭ്യന്തര മന്ത്രാലയത്തിന്റെ പേരിന് സമാനമായ പേരിൽ വ്യാജ വെബ്സൈറ്റുകളും സന്ദേശങ്ങളും പ്രചരിക്കുന്നതായി മുന്നറിയിപ്പ് നൽകി മന്ത്രാലയം. പിഴ അടക്കമുള്ള സേവനങ്ങൾക്കായി ആഭ്യന്തര മന്ത്രാലയത്തിൻ്റെ ഔദ്യോഗിക വെബ്സൈറ്റായ www.moi.gov.ae വഴിയോ അല്ലെങ്കിൽ മന്ത്രാലയത്തിന്റെ മൊബൈൽ ആപ്ലിക്കേഷനായ 'Sahil' ഉപയോഗിച്ചോ മാത്രമേ പണം അടയ്ക്കാവൂ എന്നും ആഭ്യന്തര മന്ത്രാലയം അറിയിച്ചു.

ആഭ്യന്തര മന്ത്രാലയം ആർക്കും രാജ്യാന്തര ഫോൺ നമ്പറുകളിൽ നിന്ന് സന്ദേശങ്ങൾ അയക്കാറില്ല, അതുപോലെതന്നെ പിഴത്തുകയിൽ ഡിസ്കൗണ്ട് ഓഫർ നൽകിയിട്ടുള്ള അറിയിപ്പുകളും നൽകില്ല. ആരും ഇത്തരം തട്ടിപ്പുകളിൽ വീഴാതിരിക്കാൻ ശ്രദ്ധിക്കുക. ഇത്തരത്തിലുള്ള സംശയാസ്‌പദമായ സന്ദേശങ്ങൾ ലഭിച്ചാൽ ഉടൻതന്നെ മന്ത്രാലയത്തിൻ്റെ ഔദ്യോഗിക ആപ്ലിക്കേഷൻ മുഖേന റിപ്പോർട്ട് ചെയ്യാനും മന്ത്രാലയം അറിയിച്ചു.

ഇത്തരം വ്യാജ വെബ്സൈറ്റുകൾ വഴി നിങ്ങളുടെ വ്യക്‌തിഗത വിവരങ്ങളും സാമ്പത്തിക വിവരങ്ങളും ചോർത്താൻ സാധ്യതയുണ്ടെന്നും, അതിനാൽ എല്ലാവരും ജാഗ്രത പാലിക്കണമെന്നും മന്ത്രാലയം മുന്നറിയിപ്പ് നൽകി.

Kuwait's Ministry of Interior has issued a warning against fake websites and messages that impersonate the ministry to collect traffic violation payments.