ഇന്ത്യന്‍ വ്യോമസേനയില്‍ അഗ്നിവീര്‍ റിക്രൂട്ട്‌മെന്റിന് അപേക്ഷ ക്ഷണിച്ചു. അവിവാഹിതരായ യുവാക്കള്‍ക്കാണ് അവസരം. ഫെബ്രുവരി 24 വരെ ഓണ്‍ലൈന്‍ അപേക്ഷ നല്‍കാം. ശ്രദ്ധിക്കേണ്ട കാര്യം ഇത് കമ്മീഷന്‍ഡ് ഓഫീസര്‍/ പൈലറ്റ്/ നാവിഗേറ്റര്‍/ എയര്‍മെന്‍ തസ്തികകളിലേക്കുള്ള വിജ്ഞാപനമല്ല.

തസ്തിക & ഒഴിവ്

ഇന്ത്യന്‍ വ്യോമസേനയില്‍ അഗ്നിവീര്‍ വായു റിക്രൂട്ട്‌മെന്റ്. 4 വര്‍ഷത്തേക്കുള്ള നിയമനമാണിത്. പുരുഷന്‍മാര്‍ക്ക് മാത്രമായുള്ള സ്‌പെഷ്യല്‍ നിയമനം.

പ്രായപരിധി

ഉദ്യോഗാര്‍ഥികള്‍ 2004 ജൂലൈ 3നും 2008 ജനുവരി 3നും ഇടയില്‍ ജനിച്ചവരായിരിക്കണം. എന്‍ റോള്‍ ചെയ്യുന്ന സമയത്ത് 21 വയസ് കവിയരുത്. 

യോഗ്യത

പത്താം ക്ലാസ് വിജയിച്ചിരിക്കണം. അവിവാഹിതരായിരിക്കണം. 

152 സെമീ ഉയരം വേണം. 5 സെ.മീ ചെസ്റ്റ് എക്‌സ്പാന്‍ഷന്‍ ഉണ്ടായിരിക്കണം. ശരീര ഭാരം ഉയരത്തിന് ആനുപാതികമായിരിക്കണം. 

ഫിസിക്കല്‍ ടെസ്റ്റ്

1.6 കിലോമീറ്റര്‍ ഓട്ടം, ആറര മിനുട്ടില്‍ പൂര്‍ത്തിയാക്കണം. നിശ്ചിത സമയത്തിനുള്ളില്‍ പുഷ്അപ്പ്, സിറ്റ്അപ്പ് എന്നിവ പത്തെണ്ണം വീതവും, സ്‌ക്വാട്ട്‌സ് 20 എണ്ണവും പൂര്‍ത്തിയാക്കണം. 

അപേക്ഷ

താല്‍പര്യമുള്ളവര്‍ അഗ്നിപഥ് വെബ്‌സൈറ്റ് സന്ദര്‍ശിച്ച് റിക്രൂട്ട്‌മെന്റുമായി ബന്ധപ്പെട്ട കൂടുതല്‍ വിവരങ്ങള്‍ അറിയുക. അപേക്ഷ നല്‍കേണ്ട അവസാന തീയതി ഫെബ്രുവരി 24 ആണ്. സംശയങ്ങള്‍ക്ക് വെബ്‌സൈറ്റിലുള്ള വിജ്ഞാപനം കൃത്യമായി വായിച്ച് മനസിലാക്കുക. 

വെബ്‌സൈറ്റ്: https://agnipathvayu.cdac.in സന്ദര്‍ശിക്കുക.

കൂടുതൽ job വാർത്തകള്‍ക്ക് ഗ്രൂപ്പിൽ ജോയിന്‍ ചെയ്യുക

indian airfore agniveer vayu intake 2025 apply before february 24

കൂടുതൽ കരിയർ വാർത്തകള്‍ക്ക് ഗ്രൂപ്പിൽ ജോയിന്‍ ചെയ്യുക