തൃശൂരില്‍: തൃശൂര്‍ താമരവെള്ളച്ചാല്‍ മേഖലയില്‍ കാട്ടാന ആക്രമണം. ആദിവാസിയെ കാട്ടാന ചവിട്ടിക്കൊന്നു. താമരവെള്ളച്ചാലില്‍ പ്രഭാകരന്‍(60) ആണ് മരിച്ചത്. കാട്ടിനുള്ളില്‍ വനവിഭവം ശേഖരിക്കാന്‍ പോയതായിരുന്നു പ്രഭാകരന്‍. അപ്പോഴാണ് കാട്ടാന ആക്രമിച്ചത്.

മകന്‍ മണികണ്ഠനും മരുമകന്‍ ബിജോയ്ക്കും ഒപ്പമാണ് പ്രഭാകരന്‍ വനത്തിനുള്ളിലേക്ക് പോയത്. ബിജോയെയാണ് കാട്ടാന ആദ്യം ആക്രമിച്ചത്. എന്നാല്‍ ഇയാള്‍ ഒഴിഞ്ഞുമാറി. തുടര്‍ന്ന് പ്രഭാകരന്റെ നേരെ ആന തിരിയുകയായിരുന്നു.