കൊച്ചി : നടിയെ ആക്രമിച്ച കേസില്‍ ജാമ്യത്തില്‍ കഴിയുന്ന പ്രതി പള്‍സര്‍ സുനി പൊലിസ് കസ്റ്റഡിയില്‍. എറണാകുളം രായമംഗലത്ത് ഹോട്ടലില്‍ അതിക്രമം നടത്തിയെന്ന കേസിലാണ് പൊലിസിന്റെ നടപടി. ഇന്നലെ രാത്രി എട്ടരയോടെയായിരുന്നു സംഭവം. ഹോട്ടലിലെ ഭക്ഷണം വൈകിയെന്നാരോപിച്ച് ജീവനക്കാരെ അസഭ്യം പറയുകയും കൊല്ലുമെന്ന് ഭീഷണി മുഴക്കുകയും സാധനങ്ങള്‍ തല്ലി തകര്‍ക്കുകയും ചെയ്തുവെന്നാണ് പരാതി. 

സുഹൃത്തുമൊത്താണ് സുനി ഹോട്ടലിലെത്തിയത്. രണ്ടാമത് ഓര്‍ഡര്‍ ചെയ്ത ഭക്ഷണം എത്താന്‍ വൈകിയതോടെയാണ് ഇയാള്‍ റസ്റ്ററന്റ് ജീവനക്കാര്‍ക്ക് നേരെ തിരിഞ്ഞത്.

നടിയെ ആക്രമിച്ച കേസില്‍ ജാമ്യത്തില്‍ കഴിയുന്നതിനിടയാണ് സംഭവമുണ്ടായത്. അറസ്റ്റ് രേഖപ്പെടുത്തിയ ശേഷം പ്രതിയെ സ്റ്റേഷന്‍ ജാമ്യത്തില്‍ വിട്ടയക്കും.