റാവൽപിണ്ടി: ഐസിസി ചാമ്പ്യൻസ് ട്രോഫിയിൽ തകർപ്പൻ റെക്കോർഡുമായി ബംഗ്ലാദേശ് ക്യാപ്റ്റൻ നജ്മുൽ ഹുസ്സൈൻ ഷാന്റോ. ന്യൂസിലാൻഡിനെതിരെയുള്ള രണ്ടാം മത്സരത്തിൽ അർദ്ധ സെഞ്ച്വറി നേടിയാണ് ബംഗ്ലാദേശ് ക്യാപ്റ്റൻ തിളങ്ങിയത്. ഒമ്പത് ഫോറുകൾ ഉൾപ്പടെ 110 പന്തിൽ 77 റൺസാണ് ഷാന്റോ നേടിയത്. ഇതോടെ ഐസിസി ചാമ്പ്യൻസ് ട്രോഫിയിൽ ബംഗ്ലാദേശിന് വേണ്ടി ഫിഫ്റ്റി നേടുന്ന ആദ്യ ക്യാപ്റ്റനായാണ് ഷാന്റോ മാറിയത്. മറ്റൊരു ക്യാപ്റ്റന്മാർക്കും ഈ ടൂർണമെന്റിൽ ഇതുവരെ ബംഗ്ലാദേശിന് വേണ്ടി ഫിഫ്റ്റി നേടാൻ സാധിച്ചിട്ടില്ല. 

ക്യാപ്റ്റന്റെ അർദ്ധ സെഞ്ച്വറി മികവിൽ ബംഗ്ലാദേശ് ഒമ്പത് വിക്കറ്റ് നഷ്ടത്തിൽ 239 റൺസാണ് നേടിയത്. ജാക്കർ അലി 55 പന്തിൽ 45 റൺസും നേടി. മൂന്ന് ഫോറുകളും ഒരു സിക്സുമാണ് താരം നേടിയത്. റിഷാദ് ഹുസ്സൈൻ 25 പന്തിൽ 26 റൺസും ടാൻസിദ് അഹമ്മദ് 22 പന്തിൽ 24 റൺസും നേടി. 

കിവീസ് ബൗളിങ്ങിൽ മൈക്കൽ ബ്രെയ്‌സ്‌വെൽ നാല് വിക്കറ്റുകൾ നേടി മിന്നും പ്രകടനമാണ് നടത്തിയത്. വില്ലി ഒ റൂർക്ക് രണ്ട് വിക്കറ്റുകളും മാറ്റ് ഹെൻറി, കെയ്ൽ ജാമിയേഴ്സൺ ഓരോ വിക്കറ്റും നേടി. 

ന്യൂസിലാൻഡ് പ്ലെയിംഗ് ഇലവൻ

വില്ലി യങ്, ഡെവോൺ കോൺവേ, കെയ്ൻ വില്യംസൺ, രചിൻ രവീന്ദ്ര, ടോം ലാതം (വിക്കറ്റ് കീപ്പർ), ഗ്ലെൻ ഫിലിപ്സ്, മൈക്കൽ ബ്രേസ്‌വെൽ, മിച്ചൽ സാന്റ്‌നർ (ക്യാപ്റ്റൻ), മാറ്റ് ഹെൻറി, കൈൽ ജാമിസൺ, വില്യം ഒ'റൂർക്ക്. 

ബംഗ്ലാദേശ് പ്ലെയിംഗ് ഇലവൻ

തൻസീദ് ഹസൻ, നജ്മുൽ ഹൊസൈൻ ഷാൻ്റോ (ക്യാപ്റ്റൻ), മെഹിദി ഹസൻ മിറാസ്, തൗഹിദ് ഹൃദയോയ്, മുഷ്ഫിഖുർ റഹീം (വിക്കറ്റ് കീപ്പർ), മഹ്മൂദുള്ള, ജാക്കർ അലി, റിഷാദ് ഹൊസൈൻ, തസ്കിൻ അഹമ്മദ്, നഹിദ് റാണ, മുസ്തഫിസുർ റഹ്മാൻ.