ഡൽഹി: യെമനിൽ വധശിക്ഷയ്ക്ക് വിധിക്കപ്പെട്ട മലയാളി നഴ്സ് നിമിഷപ്രിയയുടെ മോചനത്തിനായി കേന്ദ്ര സർക്കാരിന്റെ ഇടപെടൽ തേടി മലയാളി എംപിമാർ. ജോൺ ബ്രിട്ടാസും കെ. രാധാകൃഷ്ണനും ചേർന്ന് പ്രധാനമന്ത്രിക്കും വിദേശകാര്യ മന്ത്രിക്കും കത്ത് സമർപ്പിച്ചു. നിമിഷയുടെ വധശിക്ഷ ഒഴിവാക്കാൻ അടിയന്തര നടപടികൾ സ്വീകരിക്കണമെന്ന് രമേശ് ചെന്നിത്തലയും ആവശ്യപ്പെട്ടു.

അതിനിടെ, നിമിഷയുടെ വധശിക്ഷ റദ്ദാക്കാൻ കേന്ദ്ര സർക്കാർ ശക്തമായ ശ്രമങ്ങൾ തുടരുമെന്ന് ഔദ്യോഗിക വൃത്തങ്ങൾ വ്യക്തമാക്കി. നിമിഷപ്രിയയുടെ വധശിക്ഷയുമായി ബന്ധപ്പെട്ട വിഷയത്തിൽ കേന്ദ്ര സർക്കാരിന് ചില നിയമപരമായ പരിമിതികളുണ്ടെന്ന് വിദേശകാര്യ സഹമന്ത്രി കീർത്തിവർധൻ സിംഗ് നേരത്തെ രാജ്യസഭയിൽ വ്യക്തമാക്കിയിരുന്നു. ജോൺ ബ്രിട്ടാസിന്റെ ചോദ്യത്തിന് മന്ത്രി നൽകിയ മറുപടി വിവാദമായിരുന്നു. നിലവിൽ സ്ഥിതി മാറ്റമില്ലാതെ തുടരുകയാണെന്നാണ് സർക്കാർ വൃത്തങ്ങൾ സൂചിപ്പിക്കുന്നത്.

വധശിക്ഷ ഈ മാസം 16ന് നടപ്പാക്കുമെന്നാണ് റിപ്പോർട്ട്. ഇതുസംബന്ധിച്ച് യെമനിലെ പബ്ലിക് പ്രോസിക്യൂഷൻ വിഭാഗത്തിൽ നിന്നും ജയിൽ അധികൃതർക്ക് ഔദ്യോഗിക ഉത്തരവ് ലഭിച്ചതായാണ് വിവരം.

Malayali MPs, including John Brittas and K. Radhakrishnan, have urged the Central Government to intervene in the case of Nimisha Priya, a Malayali nurse sentenced to death in Yemen. They submitted a letter to the Prime Minister and Foreign Minister, requesting immediate action to commute her death sentence. Ramesh Chennithala also demanded urgent measures to save Nimisha Priya's life. The intervention comes amid reports that her execution may be carried out after Eid ¹.