ഡൽഹി: ഇറ്റലിയിലേക്കുള്ള വ്യാജ റസിഡൻ്റ് പെർമിറ്റ് നൽകി പണം തട്ടിയ കേസിൽ മലയാളി ഡൽഹി പോലീസ് പിടിയിലായി. തോട്ടകാട്ടുക്കൽ സ്വദേശി രൂപേഷ് പി ആർ നെയാണ് ഡൽഹി പോലീസ് അറസ്റ്റ് ചെയ്തത്. ഇറ്റലിയിലേക്കുള്ള വ്യാജ റസിഡൻ്റ് വിസയിൽ പറ്റിക്കപ്പെട്ട മലയാളിയായ ഡിജോ ഡേവിസ് നൽകിയ പരാതിയിലാണ് അറസ്റ്റ്.ഡിജോ ഡേവിസിനെ 2025 ജനുവരി 25ന്  ഇറ്റലിയിൽ നിന്നും നാടുകടത്തുകയായിരുന്നു. കാരണം രൂപേഷ് നൽകിയ വ്യാജ റസിഡൻ്റ് പെർമിറ്റാണ്.ഇറ്റലിയിൽ നിന്നും ഡൽഹിയിൽ എത്തിയ ഡിജോ പോലീസിൽ പരാതി നൽക്കുകയായിരുന്നു.

 ഡിജോയിൽ നിന്ന്  8.2 ലക്ഷം രൂപ വാങ്ങിയാണ് ഇറ്റലിയിലേക്ക് പോകുന്നതിനായി ട്രാവൽ ഏജന്റ് ആയ രൂപേഷ് പേപ്പറുകൾ ശരിയാക്കിയത്.കൂടാതെ ഇറ്റലിയിലേക്ക് പോകുന്നതിനായുള്ള  ടിക്കറ്റും ഡിജോയ്ക്ക്  എടുത്ത് നൽകിയിരുന്നു. ഇറ്റലിയിലെത്തിയ ഉടനെ ജോലി ലഭിക്കുമെന്ന് രൂപേഷ് വാഗ്ദാനം നൽകിയിരുന്നു.ഇറ്റലിയിൽ നിന്ന് നാടുകടത്തപ്പെട്ട ഡിജോയുടെ പരാതിയിൽ ഡൽഹി പോലീസ് നടത്തിയ അന്വേഷണത്തിലാണ് രൂപേഷ് അറസ്റ്റിലാകുന്നത്. കേരളത്തിലെത്തിയാണ് ഡൽഹി പോലീസ് രൂപേഷിനെ അറസ്റ്റ് ചെയ്തത്.