റിയാദ്: സഊദി നഗരങ്ങളിലെ പാർക്കിംഗ് താൽക്കാലികമായി സൗജന്യമാക്കി. ദമ്മാം, അൽഖോബാർ, ബുറൈദ എന്നിവിടങ്ങളിലെ നിലവിലെ പേ പാർക്കിംഗ് സംവിധാനം താൽക്കാലികമായി നിർത്തിയതായി മുനിസിപ്പൽ മന്ത്രാലയം അറിയിച്ചു. ഈ ഇടങ്ങളിൽ പാർക്കിംഗ് നടത്തിപ്പുമായി ബന്ധപ്പെട്ട് നിരവധി പരാതികൾ ഉയർന്ന സാഹചര്യത്തിലാണ് നടപടി. നിലവിലെ കമ്പനിയെ മാറ്റി പുതിയ കമ്പനിക്ക് ചുമതല നൽകാനും മന്ത്രാലയം തീരുമാനിച്ചു. പുതിയ ചുമതല ബാത്തികി ഇൻവെസ്റ്റ്മെന്റ് ആന്റ് ലോജിസ്റ്റിക്സിനാണ്. ഇരുപത് വർഷത്തേക്കാണ് പുതിയ കരാർ നൽകിയിരിക്കുന്നത്. പുതിയ കമ്പനി ചുമതലയേറ്റ ശേഷം ആവശ്യമായ സംവിധാനങ്ങൾ ഒരുക്കുന്നതുവരെ നിലവിലെ സൗജന്യം തുടരുമെന്നും അറിയിച്ചു. ഗുണഭോക്താക്കൾക്ക് എളുപ്പവും സുഗമവുമായ ഓപ്ഷനുകൾ ഒരുക്കുക, മാനദണ്ഡങ്ങൾക്ക് അനുസൃതമായി പാർക്കിംഗുകൾ ക്രമീകരിക്കുക എന്നിവക്ക് പുതിയ സംവിധാനത്തിൽ പ്രാധാന്യം നൽകും.

The municipalities of Dammam, Al-Khobar, and Buraidah have announced free parking in these cities, aiming to facilitate residents' and visitors' movements during the holy month of Ramadan.