ജറൂസലേം: റമദാനില്‍ വിശ്വാസികള്‍ നിസ്‌കരിക്കുന്നത് തടയാനായി ഫലസ്തീനിലെ നബുലസില്‍ പന്ത്രണ്ടാം നൂറ്റാണ്ടില്‍ നിര്‍മിച്ച പള്ളിക്ക് തീയിട്ട് ഇസ്‌റാഈല്‍. പുലര്‍ച്ചെയാണ് സയണിസ്റ്റ് അധിനിവേശ സേന പഴയ നബുലസ് നഗരത്തിലെ അല്‍നാസര്‍ പള്ളിക്ക് തീയിട്ടത്. പുലര്‍ച്ചെ നബുലസിലെ നിരവധി പള്ളികളില്‍ അതിക്രമിച്ചു കയറിയശേഷമായിരുന്നു കൃത്യം. സുബ്ഹി നിസ്‌കരിക്കുകയായിരുന്ന മൂന്ന് പലസ്തീനികളെ അറസ്റ്റ് ചെയ്തുകൊണ്ടുപോകുകയുംചെയ്തു. തീപിടുത്തത്തില്‍ ഇമാമിന്റെ ക്വാര്‍ട്ടേഴ്‌സ് പൂര്‍ണ്ണമായും നശിച്ചുവെന്നും പള്ളിയുടെ ചുവരുകള്‍ക്കും പരവതാനികള്‍ക്കും കേടുപാടുകള്‍ സംഭവിച്ചുവെന്നും ദൃക്‌സാക്ഷികള്‍ പറഞ്ഞു. നബുലസ് മുനിസിപ്പല്‍ അഗ്‌നിശമന സേനാംഗങ്ങള്‍ എത്തിയാണ് പള്ളിയെ തീ കൂടുതല്‍ വിഴുങ്ങുന്നത് തടഞ്ഞത്. 1187ല്‍ ആണ് ഈ പള്ളിസ്ഥാപിച്ചത്. പ്രഭാത പ്രാര്‍ത്ഥനയ്ക്ക് മുമ്പ് പള്ളികള്‍ക്ക് നേരെയുള്ള ഇസ്‌റാഈലി ആക്രമണത്തെ പലസ്തീന്‍ എന്‍ഡോവ്‌മെന്റ് ആന്‍ഡ് മതകാര്യ മന്ത്രാലയം അപലപിച്ചു.

1948 ലെ നഖ്ബയ്ക്ക് ശേഷം ഇത്തരം നടപടികള്‍ അഭൂതപൂര്‍വമാണെന്നും ആരാധന നടത്താനും പുണ്യസ്ഥലങ്ങളിലേക്ക് പ്രവേശിക്കാനുമുള്ള അവകാശം ഉറപ്പുനല്‍കുന്ന മതപരവും ധാര്‍മ്മികവും അന്താരാഷ്ട്ര മാനദണ്ഡങ്ങളോടുള്ള ഇസ്രായേലിന്റെ നഗ്‌നമായ ലംഘനമാണിതെന്നും നബുലസ് എന്‍ഡോവ്‌മെന്റ്‌സ് ഡയറക്ടര്‍ നാസര്‍ അല്‍സല്‍മാന്‍ പ്രസ്താവനയില്‍ പറഞ്ഞു. ചരിത്രപരമായ പൈതൃക കെട്ടിടങ്ങളായ പള്ളികള്‍ക്കെതിരായ ഇത്തരം ക്രൂരമായ ആക്രമണങ്ങള്‍ തടയുന്നതിനും അവസാനിപ്പിക്കുന്നതിനും അന്താരാഷ്ട്ര സമൂഹവും അന്താരാഷ്ട്ര മനുഷ്യാവകാശ പ്രസ്ഥാനങ്ങളും ഇടപെടണമെന്ന് അദ്ദേഹം ആവശ്യപ്പെട്ടു.

റമദാനില്‍ മസ്ജിദുല്‍ അഖ്‌സയില്‍ മുസ്‌ലിം സന്ദര്‍ശകരെ പരിമിതപ്പെടുത്തുമെന്ന് ഇസ്‌റാഈല്‍. 50 വയസിനു താഴെയുള്ളവരെ പള്ളിയില്‍ പ്രവേശിപ്പിക്കില്ലെന്നാണ് ഇസ്‌റാഈല്‍ പൊലിസ് അറിയിക്കുന്നത്. വെസ്റ്റ്ബാങ്കില്‍ നിന്നുള്ള കുട്ടികളെയും പള്ളിയില്‍ പ്രവേശിപ്പിക്കില്ല. റമദാനിലെ ആദ്യ വെള്ളിയാഴ്ചയായ ഇന്നലെ നിയന്ത്രണം നിലവില്‍ വന്നതായി നെതന്യാഹുവിന്റെ ഓഫിസ് പറഞ്ഞു. മസ്ജിദുല്‍ അഖ്‌സയ്ക്കു പുറത്ത് ഇസ്‌റാഈല്‍ പൊലിസിനാണ് നിയന്ത്രണം. 

55 വയസും അതിനു മുകളിലുമുള്ള പുരുഷന്മാരെയും 50 വയസ് പ്രായമുള്ള സ്ത്രീകളെയും 12 വയസു വരെയുള്ള കുട്ടികളെയുമാണ് പള്ളിയില്‍ പ്രവേശിപ്പിച്ചത്. ഇവരെ കര്‍ശന സുരക്ഷാ പരിശോധനയ്ക്കും വിധേയമാക്കിയിരുന്നു. എന്നാല്‍ ഇസ്‌റാഈലിലെ മുസ്‌ലിംകള്‍ക്ക് പള്ളിയില്‍ വിലക്ക് ബാധകമല്ലെന്ന് പ്രസ്താവനയില്‍ പറയുന്നു. മൂന്നാമത്തെ ഹറം പള്ളിയായി മുസ്‌ലിംകള്‍ കരുതുന്ന മസ്ജിദുല്‍ അഖ്‌സയില്‍ റമദാനില്‍ സാധാരണ നിസ്‌കാരത്തിനും തറാവീഹിനും പതിനായിരങ്ങളാണ് പങ്കെടുക്കാറുള്ളത്.

Israel has set fire to a 12th-century mosque in Nablus, Palestine, to prevent worshippers from praying during Ramadan. The Zionist occupation forces set fire to the Al-Nasr Mosque in the old city of Nablus early in the morning. The act came after they had stormed several mosques in Nablus early in the morning.