ദുബൈ: അബൂദബി, ദുബൈ, ഷാര്‍ജ, അല്‍ ഐന്‍ എന്നിവിടങ്ങളിലെ ചില ഭാഗങ്ങളില്‍ ഇന്ന് രാവിലെ 9 മണി വരെ ഫോഗ് അലേര്‍ട്ട് പുറപ്പെടുവിച്ച് നാഷണല്‍ സെന്റര്‍ ഓഫ് മെറ്റീരിയോളജി. നിരവധി പ്രധാന പ്രദേശങ്ങളില്‍ കനത്ത മൂടല്‍മഞ്ഞ് രൂപപ്പെട്ടതിനാല്‍ ദൃശ്യപരത കുറയുകയും വാഹനമോടിക്കുമ്പോള്‍ അപകടകരമായ സാഹചര്യങ്ങള്‍ ഉണ്ടാകാന്‍ സാധ്യയുള്ളതിനാലാണ് മുന്നറിയിപ്പ്. ഷാര്‍ജയിലേക്കുള്ള ഷെയ്ഖ് മുഹമ്മദ് ബിന്‍ സായിദ് റോഡ്, അബൂദബിയിലെ അല്‍ വത്ബ, മദീനത്ത് സായിദിലേക്കുള്ള ഹാമിം റോഡ്, അല്‍ മക്തൂം അന്താരാഷ്ട്ര വിമാനത്താവളത്തിനും ദുബൈ സൗത്തിനും ചുറ്റുമുള്ള പ്രദേശങ്ങള്‍ തുടങ്ങിയ പ്രധാന റോഡുകളില്‍ വാഹനമോടിക്കുന്നവര്‍ ജാഗ്രത പാലിക്കണമെന്ന് NCM നിര്‍ദ്ദേശിച്ചു.

മൂടല്‍മഞ്ഞിന് പുറമേ, ഇന്നത്തെ കാലാവസ്ഥ സാമാന്യം മേഘാവൃതമായിരിക്കുമെന്നും രാജ്യത്തിന്റെ കിഴക്കന്‍, വടക്കന്‍ ഭാഗങ്ങളില്‍ താഴ്ന്ന മേഘങ്ങള്‍ പ്രത്യക്ഷപ്പെടുമെന്നും പ്രതീക്ഷിക്കുന്നു. താപനില ക്രമേണ ഉയരുമെന്നും ഉള്‍ പ്രദേശങ്ങളില്‍ 31 ഡിഗ്രി സെല്‍ഷ്യസ് മുതല്‍ 36 ഡിഗ്രി സെല്‍ഷ്യസ് വരെയും തീരദേശ പ്രദേശങ്ങളിലും ദ്വീപുകളിലും 28 ഡിഗ്രി സെല്‍ഷ്യസിനും 32 ഡിഗ്രി സെല്‍ഷ്യസിനും ഇടയില്‍ താപനില ഉണ്ടാകുമെന്നും പ്രവചിക്കപ്പെടുന്നു. പര്‍വതങ്ങളില്‍ നേരിയ തണുപ്പ് അനുഭവപ്പെടും. ഈ പ്രദേശങ്ങളില്‍ 25 ഡിഗ്രിക്കും 29 ഡിഗ്രിക്കും ഇടയില്‍ താപനില അനുഭവപ്പെട്ടേക്കും.

രാത്രിയിലും ഞായറാഴ്ച രാവിലെ വരെയും കാലാവസ്ഥ ഈര്‍പ്പമുള്ളതായി തുടരും. തീരദേശ പ്രദേശങ്ങളിലും പടിഞ്ഞാറന്‍ ഉള്‍ പ്രദേശങ്ങളില്‍ മൂടല്‍മഞ്ഞ് രൂപപ്പെടാന്‍ സാധ്യതയുണ്ട്. അറേബ്യന്‍ ഗള്‍ഫും ഒമാന്‍ കടലും കടല്‍ ശാന്തമായിരിക്കുമെന്ന് പ്രതീക്ഷിക്കുന്നു.

ദൃശ്യപരത കുറവുള്ള പ്രദേശങ്ങളില്‍ അപകടങ്ങള്‍ തടയുന്നതിന് വാഹനമോടിക്കുന്നവര്‍ ജാഗ്രത പാലിക്കാനും വേഗത കുറയ്ക്കാനും വാഹനങ്ങള്‍ക്കിടയില്‍ മതിയായ അകലം ഉറപ്പാക്കാനും അഭ്യര്‍ത്ഥിക്കുന്നു.

The Meteorological Department has issued a warning for fog in Abu Dhabi, Dubai, Sharjah and Al Ain.