പാകിസ്താനെതിരെയുള്ള അഞ്ചു ടി-20 മത്സരങ്ങളുടെ പരമ്പരയിലെ രണ്ടാം മത്സരത്തിലും ന്യൂസിലാൻഡിനു വിജയം. യൂണിവേഴ്‌സിറ്റി നോവലിൽ നടന്ന മത്സരത്തിൽ മഴ മൂലം മത്സരം 15 ഓവറാക്കി ചുരുക്കുകയായിരുന്നു. പാകിസ്താനെ അഞ്ച് വിക്കറ്റുകൾക്കാണ് കിവീസ് പരാജയപ്പെടുത്തിയത്. ന്യൂസിലാൻഡിന്റെ തട്ടകമായ ആദ്യം ചെയ്ത സന്ദർശകർ ഒമ്പത് വിക്കറ്റ് നഷ്ടത്തിൽ 139 റൺസാണ് നേടിയത്. വിജയലക്ഷ്യം പിന്തുടർന്നിറങ്ങിയ കിവീസ് 11 പന്തുകളും അഞ്ചു വിക്കറ്റുകളും ബാക്കി നിൽക്കെ ലക്ഷ്യം മറികടക്കുകയായിരുന്നു. 

ന്യൂസിലാൻഡ് ബാറ്റിങ്ങിൽ ടിം സെയ്‌ഫെർട്ട് 22 പന്തിൽ 45 റൺസ് നേടി ടോപ് സ്കോററായി. മൂന്ന് ഫോറുകളും അഞ്ച് സിക്സുമാണ്‌ താരം നേടിയത്. അഞ്ച് സിക്സുകളും ഒരു ഫോറും ഉൾപ്പടെ 16 പന്തിൽ 38 റൺസും നേടി മികച്ച പ്രകടനം നടത്തി. പാക് ബൗളിങ്ങിൽ ഹാരിസ് റൗഫ് രണ്ട് വിക്കറ്റും മുഹമ്മദ്‌ അലി, ഖുഷ്ദിൽ ഷാ, ജഹന്ദ് ഖാൻ എന്നിവർ ഓരോ വിക്കറ്റും നേടി.

നേരത്തേ ആദ്യം ബാറ്റ് ചെയ്ത പാകിസ്താനായി ക്യാപ്റ്റൻ സൽമാൻ അലി അഘ 28 പന്തിൽ 46 റൺസ് നേടി മികച്ചു നിന്നു. നാല് ഫോറുകളും മൂന്ന് സിക്സുമാണ് താരം നേടിയത്. ഷദാബ് ഖാൻ 14 പന്തിൽ 24 റൺസും ഷഹീൻ അഫ്രീദി 14 പന്തിൽ പുറത്താവാതെ 22 റൺസും നേടി. 

ന്യൂസിലാൻഡ് ബൗളിങ്ങിൽ ജേക്കബ് ഡുഫി, ബെൻ സിയേഴ്സ്, ജെയിംസ് നീഷാ, ഇഷ് സോധി എന്നിവർ രണ്ട് വീതം വിക്കറ്റുകൾ നേടി മികച്ച പ്രകടനമാണ്‌ നടത്തിയത്. നിലവിൽ പരമ്പരയിൽ 2-0ത്തിന് മുന്നിലാണ് ന്യൂസിലാൻഡ്. മാർച്ച്‌ 21നാണ് പരമ്പരയിലെ മൂന്നാം മത്സരം നടക്കുന്നത്. ഈഡൻ പാർക്കാണ് വേദി.

അതേസമയം 2025 ഐസിസി ചാമ്പ്യൻസ് ട്രോഫി ഫൈനലിൽ ഇന്ത്യയോട് ന്യൂസിലാൻഡ് പരാജയപ്പെട്ടിരുന്നു. ദുബൈയിൽ നടന്ന കലാശ പോരാട്ടത്തിൽ ന്യൂസിലാന്റിനെ നാല് വിക്കറ്റുകൾക്ക് പരാജയപ്പെടുത്തിയാണ് രോഹിത് ശർമയും സംഘവും കിരീടം സ്വന്തമാക്കിയത്. മത്സരത്തിൽ ടോസ് നേടി ആദ്യം ബാറ്റ് ചെയ്ത കിവീസ് ഏഴ് വിക്കറ്റ് നഷ്ടത്തിൽ 251 റൺസാണ് നേടിയത്. വിജയലക്ഷ്യം പിന്തുടർന്നിറങ്ങിയ ഇന്ത്യ ആറ് വിക്കറ്റ് നഷ്ടത്തിൽ ലക്ഷ്യം മറികടക്കുകയായിരുന്നു. ഇന്ത്യയുടെ മൂന്നാം ചാമ്പ്യൻസ് ട്രോഫി കിരീടനേട്ടമായിരുന്നു ഇത്. 2002, 2013 എന്നീ വർഷങ്ങളിലായിരുന്നു ഇന്ത്യ ഇതിനു മുമ്പ് ചാമ്പ്യൻസ് ട്രോഫി സ്വന്തമാക്കിയിരുന്നത്.

Newzealand beat Pakistan in t20 series after icc champions trophy 2025