കൊല്ലം: മുതിർന്ന സിപിഐ നേതാവും മുൻ എംപിയുമായ ചെങ്ങറ സുരേന്ദ്രനെ പാർട്ടിയിൽ നിന്ന് ഒരുവർഷത്തേക്ക് സസ്‌പെൻഡ് ചെയ്തു. ഗുരുവായൂർ ദേവസ്വം ബോർഡുമായി ബന്ധപ്പെട്ട സാമ്പത്തിക ക്രമക്കേടിനെ തുടർന്നാണ് നടപടി എന്ന് സിപിഐ കൊല്ലം ജില്ലാ സെക്രട്ടറി പി.എസ്. സുപാൽ അറിയിച്ചു.

പാർട്ടിയിലെ എല്ലാ തിരഞ്ഞെടുക്കപ്പെട്ട സ്ഥാനങ്ങളിൽ നിന്നും ചെങ്ങറ സുരേന്ദ്രനെ നീക്കിയതായി സുപാൽ വ്യക്തമാക്കി. സിപിഐ സംസ്ഥാന സെക്രട്ടറി ബിനോയ് വിശ്വന് ലഭിച്ച പരാതിയുടെ അടിസ്ഥാനത്തിൽ ജില്ലാ എക്സിക്യൂട്ടീവ് യോഗം വിളിച്ചു ചേർത്ത് പരിശോധന നടത്തി.

ഇന്ന് ചേർന്ന സിപിഐ ജില്ലാ എക്സിക്യൂട്ടീവും കൗൺസിലും ഈ വിഷയത്തിൽ വിശദമായ ചര്‍ച്ച നടത്തി. സുരേന്ദ്രൻ വിവരണം നൽകിയെങ്കിലും അതു തൃപ്തികരമല്ലെന്ന് കണ്ടെത്തിയതിനാലാണ് സസ്‌പെൻഷൻ തീരുമാനം.

Senior CPI leader and former MP Chengara Surendran has been suspended for one year over alleged financial irregularities related to Guruvayur Devaswom Board. CPI Kollam district secretary P.S. Supal confirmed the action after an internal inquiry found his explanation unsatisfactory.