തിരുവനന്തപുരം: കെ റെയിലിനായി കണ്ടെത്തിയ ഭൂമി വിൽക്കുന്നതിനോ ഈട് വയ്ക്കുന്നതിനോ യാതൊരു തടസവുമില്ലെന്ന് റവന്യൂ മന്ത്രി കെ. രാജൻ നിയമസഭയിൽ അറിയിച്ചു. 

ഭൂമിയേറ്റെടുക്കലുമായി ബന്ധപ്പെട്ട് സർവേസ് ആൻഡ് ബൗണ്ടറീസ് നിയമത്തിന്റെ 6(1) വിജ്ഞാപനം മാത്രമേ പ്രസിദ്ധീകരിച്ചിട്ടുള്ളൂ. 4(1) വിജ്ഞാപനം പ്രസിദ്ധീകരിച്ചിട്ടില്ല. അതിനാൽ ഏതുവിധത്തിലുള്ള ക്രയവിക്രയത്തിനും തൽക്കാലം സടസമില്ല. ഭൂമിയേറ്റെടുക്കലിൽ സാധാരണനിലയിൽ 4(1) വിജ്ഞാപനം കഴിഞ്ഞാൽ പോലും പ്രശ്‌നമില്ല. അഞ്ചാമത്തെ വ്യവസ്ഥ പരിസ്ഥിതി ആഘാത പഠനവും പൊതുജന ഹിയറിങ്ങുമാണ്. ആറാമത്തേത് നോട്ടിസ് നൽകലും ഏഴാമത്തേത് വിദഗ്ദ്ധ സമിതിയുടെ പരിശോധനയുമാണ്. എട്ടാമത്തെ വ്യവസ്ഥ സർക്കാരിന്റെ അംഗീകാരമാണ്.  11(1) പ്രസിദ്ധീകരിച്ചാൽ മാത്രമേ ആ  ഭൂമി അറ്റാച്ച് ചെയ്യുന്ന പ്രശ്‌നം ഉദിക്കുന്നുള്ളൂ. ഇനി അങ്ങനെ ചെയ്താൽ പോലും 11(4) പ്രകാരം കലക്ടർക്ക് പ്രത്യേക അപേക്ഷ നൽകിയാൽ അതനുസരിച്ച് നടപടിയുണ്ടാവും. കെ റെയിൽ ഇത്രത്തോളമൊന്നും പോയിട്ടില്ല. പ്രത്യേകമായി ഏതെങ്കിലും കേസ് ആർക്കെങ്കിലും ഉണ്ടെങ്കിൽ പരിഹരിക്കുമെന്നും മന്ത്രി ഉറപ്പുനൽകി.

There is no obstacle in selling or pledging land identified for K Rail Revenue Minister K Rajan