തൃശൂര്‍: പെരുമ്പിലാവ് കൊലപാതകം നടന്നത് റീല്‍സ് എടുത്തതിനെ ചൊല്ലിയുള്ള തര്‍ക്കത്തെ തുടര്‍ന്നാണെന്ന് പ്രതികളുടെ മൊഴി. അക്ഷയ്ക്ക് താല്‍പര്യമില്ലാത്ത ആള്‍ക്കൊപ്പം ലിഷോയും ബാദുഷയും റീല്‍സ് എടുത്തത് അക്ഷയ് ചോദ്യം ചെയ്തിരുന്നു. ഇതിനെതിരെ സമൂഹമാധ്യമങ്ങളില്‍ ഭീഷണിയും തര്‍ക്കവും നടന്നിരുന്നു.

പ്രതികള്‍ എല്ലാവരും ലഹരി കടത്തു കേസുകളിലും പ്രതികളാണെന്നാണ് പൊലിസ് പറയുന്നത്. ഇനി ലഹരി കടത്തിനെ ചൊല്ലിയുള്ള തര്‍ക്കമാണോ എന്നതും പൊലിസ് പരിശോധിക്കും. തൃശൂര്‍ പെരുമ്പിലാവില്‍ വെള്ളിയാഴ്ച രാത്രിയാണ് യുവാവിനെ വെട്ടിക്കൊന്നത്. പെരുമ്പിലാവ് സ്വദേശിയായ അക്ഷയ്(27) ആണ് മരിച്ചത്. ഗുരുവായൂര്‍ സ്വദേശി ബാദുഷയ്ക്കും വെട്ടേറ്റിരുന്നു. മുഖ്യപ്രതിയായ ലിഷോയിനെ ഇന്നുരാവിലെയാണ് പൊലിസ് പിടികൂടിയത്. 

കേസില്‍ വേറെ ഒരാളെയും കസ്റ്റഡിയില്‍ എടുത്തിരുന്നു. പെരുമ്പിലാവ് സ്വദേശി നിഖിലിനെയാണ് കസ്റ്റഡിയില്‍ എടുത്തത്. പിടിയിലായ മറ്റു രണ്ടുപേര്‍ ആകാശും നിഖിലുമാണ്. റെന്റ് എ കാറിനെ ചൊല്ലിയുള്ള തര്‍ക്കവും സമൂഹമാധ്യമങ്ങളിലെ വാക്‌പോരും കൊലപാതകത്തിലെത്തിച്ചുവെന്ന് പൊലിസ്.

The murder of Akshay (27) in Perumpilav, Thrissur, occurred after a dispute over a reel video, with the accused, Lisho and Badusha, having previous involvement in drug trafficking, and the police are investigating if the incident is linked to drug-related issues.