പാലക്കാട്: സംസ്ഥാനത്തെ സ്വകാര്യ ബസ് ഉടമകൾ സമരത്തിലേക്ക്. വിദ്യാർഥികളുടെ യാത്ര നിരക്ക് വർധിപ്പിക്കണമെന്നും, വിദ്യാർഥികളുടെ മിനിമം യാത്ര നിരക്ക് അഞ്ച് രൂപയാക്കണമെന്നും ആവശ്യപ്പെട്ടാണ് സമരം. ഇതിന്റെ ഭാ​ഗമായി ഏപ്രിൽ മൂന്ന് മുതൽ ഒമ്പത് വരെ കാസർകോട് നിന്ന് തിരുവനന്തപുരത്തേക്ക് ബസ് സംരക്ഷണജാഥ നടത്താനാണ് ബസ് ഉടമകളുടെ തീരുമാനം.

എന്നാൽ ഈ നീക്കം ഫലം കണ്ടില്ലെങ്കിൽ സമരവുമായി മുന്നോട്ടു പോകാനാണ് ബസ് ഉടമകളുടെ തീരുമാനം. അടുത്ത അധ്യയന വർഷം മുതൽ യാത്രാ നിരക്ക് വർദ്ധിപ്പിച്ചില്ലെങ്കിൽ സമരത്തിലേക്ക് കടക്കുമെന്ന് ഓൾ കേരള ബസ് ഓപ്പറേറ്റേഴ്സ് അസോസിയേഷൻ വ്യക്തമാക്കി. 

ഒരു രൂപയാണ് കഴിഞ്ഞ പതിമൂന്ന് വർഷമായി വിദ്യാർത്ഥികളുടെ മിനിമം യാത്രാ നിരക്ക്. അതേസമയം, സ്വകാര്യ ബസുകളിലെ യാത്രക്കാരിലധികവും വിദ്യാർഥികളാണ്. ഈയൊരു സാഹചര്യത്തിൽ നിലവിലെ ചാർജുമായി മുന്നോട്ടു പോകാനാവില്ലെന്നാണ് ബസ് ഉടമകളുടെ വാദം. സ്വകാര്യ ബസ് ഉടമകളുടെ പ്രശ്നങ്ങൾ പരിഗണിച്ച് നിരവധി കമ്മിഷനുകൾ കുറഞ്ഞ യാത്രാ ചാർജ് സംബന്ധിച്ച ശുപാർശകൾ സമർപ്പിച്ചിട്ടുണ്ട്. എന്നാൽ സർക്കാർ ഇത് കാര്യമായി എടുക്കുന്നില്ലെന്ന് ബസ് ഉടമകൾ ആരോപിച്ചു.

Private bus owners in Kerala have announced a protest demanding an increase in the minimum student travel fare from ₹1 to ₹5. As part of the agitation, they will organize a "Bus Protection Jatha" (rally) from Kasaragod to Thiruvananthapuram between April 3rd and 9th. If their demands are not met, they threaten further strikes, warning that they will not continue operations with the current fare structure.