ന്യൂഡൽഹി: രാജസ്ഥാനിലെ ചുരു ജില്ലയിൽ ഇന്ത്യൻ വ്യോമസേനയുടെ ജാഗ്വാർ യുദ്ധവിമാനം തകർന്നുവീണു. സംഭവത്തിൽ രണ്ട് പേർക്ക് പരുക്കേറ്റിട്ടുണ്ടാകാമെന്ന് സ്ഥിരീകരിക്കാത്ത റിപ്പോർട്ടുകൾ ഉണ്ട്. വ്യോമസേന ഇതുവരെ ഔദ്യോഗിക പ്രസ്താവന ഇറക്കിയിട്ടില്ല. ചുരുവിലെ രത്തൻഗഡ് പട്ടണത്തിലാണ് ജെറ്റ് തകർന്നുവീണത്. 

അപകടസ്ഥലത്ത് നിന്ന് പുക ഉയരുന്ന ദൃശ്യങ്ങൾ പുറത്തുവന്നിട്ടുണ്ട്. സ്ഥിതിഗതികൾ വിലയിരുത്തുന്നതിനും തിരച്ചിൽ, രക്ഷാപ്രവർത്തനങ്ങൾ നടത്തുന്നതിനുമായി പൊലിസ് ഉൾപ്പെടെയുള്ള സംഘങ്ങൾ സ്ഥലത്തേക്ക് എത്തിയതായി എഎൻഐ റിപ്പോർട്ട് ചെയ്തു. രക്ഷാപ്രവർത്തനങ്ങൾ പുരോഗമിക്കുകയാണ്, കൂടുതൽ വിവരങ്ങൾക്കായി കാത്തിരിക്കുന്നു.

ALSO READ: ഗുജറാത്ത് വഡോദരയിൽ പാലം തകർന്ന് വാഹനങ്ങൾ നദിയിൽ വീണു; മൂന്ന് മരണം

മൂന്ന് മാസത്തിനിടെ രണ്ടാമത്തെ അപകടം 

ഈ വർഷം അപകടത്തിൽപ്പെടുന്ന രണ്ടാമത്തെ ജാഗ്വാർ വിമാനമാണിത്. ഏപ്രിൽ 2 ന്, ഗുജറാത്തിലെ ജാംനഗർ വ്യോമസേനാ സ്റ്റേഷന് സമീപം പതിവ് പരിശീലന ദൗത്യത്തിനിടെ മറ്റൊരു ഐഎഎഫ് ജാഗ്വാർ തകർന്നുവീണു. ജാംനഗർ നഗരത്തിൽ നിന്ന് ഏകദേശം 12 കിലോമീറ്റർ അകലെയുള്ള സുവർദ ഗ്രാമത്തിനടുത്തുള്ള ഒരു തുറന്ന വയലിലാണ് വിമാനം തകർന്നുവീണത്. രാത്രി 9.30 ഓടെയായിരുന്നു അപകടം.

രണ്ടു പൈലറ്റുമാരാണ് വിമാനത്തിൽ ഉണ്ടായിരുന്നത്. വിമാനം തകർന്ന് പരുക്കേറ്റ വ്യോമസേന പൈലറ്റ് പിന്നീട് മരിച്ചതായി ഇന്ത്യൻ വ്യോമസേന (ഐഎഎഫ്) പ്രസ്താവനയിൽ പറഞ്ഞു. അപകടത്തിൽ, വിമാനത്തിൽ നിന്ന് സുരക്ഷിതമായി പുറത്തേക്ക് ചാടിയ മറ്റൊരു പൈലറ്റ് ജാംനഗറിലെ ആശുപത്രിയിൽ ചികിത്സയിലാണ്.

A Jaguar fighter jet of the Indian Air Force crashed in Ratangarh town, located in Churu district of Rajasthan, earlier today. The cause of the crash is yet to be officially confirmed. As per unverified reports, two people may have sustained injuries, though no fatalities have been reported so far. The Indian Air Force has not released an official statement regarding the incident at this time.