അബൂദബി: പൊതുജനങ്ങളുടെ ആരോഗ്യത്തിന് ഹാനികരമാകുന്ന വിധത്തില്‍ ഉപകരണങ്ങളോ യന്ത്രങ്ങളോ പ്രവര്‍ത്തിപ്പിക്കുകയോ ഇത്തരം ഉപകരണങ്ങള്‍ അവഗണിക്കുന്നതായോ ശ്രദ്ധയില്‍പ്പെട്ടാല്‍ അബുദാബിയിലെ കമ്പനികള്‍ക്ക് കനത്ത പിഴ ചുമത്തും. മുനിസിപ്പാലിറ്റി, ഗതാഗത വകുപ്പ് അടുത്തിടെ നടപ്പിലാക്കിയ നിയമങ്ങള്‍ക്കും ചട്ടങ്ങള്‍ക്കും അനുസൃതമായാണിത്.

2012 ല്‍ പാസാക്കിയ ഈ നിയമം കൊണ്ട് എമിറേറ്റിന്റെ സൗന്ദര്യവും സുസ്ഥിരവും ഊര്‍ജ്ജസ്വലവുമായ ഒരു നഗര പരിസ്ഥിതിയും ഉറപ്പാക്കുക എന്നതാണ് ലക്ഷ്യമിടുന്നത്. ഹരിത കേന്ദ്രങ്ങള്‍, നടപ്പാതകള്‍, കെട്ടിടങ്ങള്‍, മാര്‍ക്കറ്റുകള്‍, പബ്ലിക് റോഡുകള്‍ തുടങ്ങിയ എമിറേറ്റിലെ പൊതു ഇടങ്ങളുടെ രൂപഭംഗി, സാംസ്‌കാരികപരമായും വാസ്തുവിദ്യാപരമായുമുള്ള സൗന്ദര്യാത്മക സവിശേഷതകള്‍ എന്നിവയെ പ്രതികൂലമായി ബാധിക്കുന്ന ഏതൊരു പ്രവര്‍ത്തനത്തെയും നിയമം നിരോധിക്കുന്നു.

നഗരത്തിന്റെ ഭംഗി മെച്ചപ്പെടുത്തുന്നതിനും ആരോഗ്യത്തിന് അപകടമുണ്ടാക്കുന്ന പ്രവര്‍ത്തനങ്ങള്‍ പരിശോധിക്കുന്നതിനുമുള്ള ഡിഎംടിയുടെ ശ്രമങ്ങളുടെ ഭാഗമായാണ് പുതിയ നിയന്ത്രണങ്ങള്‍. ലൈസന്‍സില്ലാതെ വാണിജ്യ കെട്ടിടങ്ങളുടെ മുന്‍ഭാഗം പുതുക്കി പണിതാല്‍ 4,000 ദിര്‍ഹം വരെ പിഴ ചുമത്തുമെന്ന് അധികൃതര്‍ അടുത്തിടെ പ്രഖ്യാപിച്ചിരുന്നു. 

വൃത്തിയില്ലാത്തതോ പഴയതോ ആയ വാഹനങ്ങളോ വാഹനങ്ങളുടെ ഭാഗമോ പൊതുസ്ഥലത്ത് ഉപേക്ഷിച്ചാലും 4,000 ദിര്‍ഹം വരെ പിഴ ചുമത്തും.

എമിറേറ്റില്‍ മാലിന്യം വലിച്ചെറിയുന്നതിനും സിഗരറ്റ് കുറ്റികള്‍ ഉപേക്ഷിക്കുന്നതിനുമുള്ള പിഴകള്‍ ഡിഎംടി പരിഷ്‌കരിച്ചിട്ടുണ്ട്. ആവര്‍ത്തിച്ചുള്ള കുറ്റത്തിന് 4,000 ദിര്‍ഹമാണ് പിഴ. നഗരത്തിന്റെ ഭംഗിക്ക് കോട്ടം വരുത്തുന്ന രീതിയില്‍ ബാല്‍ക്കണിയിലോ മേല്‍ക്കൂരയിലോ പഴയ വസ്തുക്കള്‍  സൂക്ഷിച്ചാല്‍ കനത്ത പിഴ ചുമത്തുമെന്ന് നേരത്തേ അബൂദബിയിലെ അധികൃതര്‍ അറിയിച്ചിരുന്നു. 

Renovating a building in Abu Dhabi without official permission can lead to a fine of Dh4,000. Residents must be aware of local laws to avoid penalties and legal trouble. Stay informed, stay safe.