ആദായനികുതി വകുപ്പ് പാന്‍ കാര്‍ഡും ആധാര്‍ കാര്‍ഡും ബന്ധിപ്പിക്കുന്നതിനായി പുതിയ വിജ്ഞാപനം പുറത്തിറക്കിയിട്ടുണ്ട്. ഇതിനകം പാന്‍ കാര്‍ഡ് ആധാര്‍ കാര്‍ഡുമായി ലിങ്ക് ചെയ്തിട്ടില്ലെങ്കില്‍, സാമ്പത്തിക ഇടപാടുകള്‍ക്കോ ഇന്‍കം ടാക്‌സ് റിട്ടേണ്‍സ് ഫയല്‍ ചെയ്യുമ്പോഴോ ബുദ്ധിമുട്ട് ഉണ്ടാകാം. വ്യാജ പാന്‍ കാര്‍ഡുകള്‍ തടയാനും നികുതി വെട്ടിപ്പ് തടയാനും ഈ നടപടി സഹായിക്കും.

ആര്‍ക്കെല്ലാം ലിങ്കിംഗ് നിര്‍ബന്ധമാണ്?

ആസം, മേഘാലയ, ജമ്മുകശ്മീര്‍, കേന്ദ്രഭരണ പ്രദേശങ്ങളിലെ താമസക്കാര്‍, 80 വയസ്സിന് മുകളിലുള്ളവര്‍, പ്രവാസികള്‍ തുടങ്ങിയവര്‍ ഒഴികെയുള്ള എല്ലാ ഇന്ത്യന്‍ പൗരന്‍മാരും പാന്‍കാര്‍ഡ് ആധാര്‍കാര്‍ഡുമായി ലിങ്ക് ചെയ്യണം.

പാന്‍ കാര്‍ഡ് ആധാര്‍ കാര്‍ഡുമായി ലിങ്ക് ചെയ്തിട്ടുണ്ടോ ഇല്ലയോ എന്ന് എങ്ങനെ പരിശോധിക്കാം

1) ഐടി ഇ-ഫയലിംഗ് പോര്‍ട്ടലില്‍ (https://www.incometax.gov.in)  ലോഗിന്‍ ചെയ്യുക.

2) ക്വിക്ക് ലിങ്കുകള്‍ എന്ന ടാബിന് താഴെയുള്ള ലിങ്ക് ആധാര്‍ സ്റ്റാറ്റസ് തിരഞ്ഞെടുക്കുക.

3) പാന്‍, ആധാര്‍ നമ്പര്‍ നല്‍കി 'ലിങ്ക് ആധാര്‍ സ്റ്റാറ്റസ് കാണുക' എന്ന ടാബില്‍ ക്ലിക്ക് ചെയ്യുക.

4) നിങ്ങളുടെ പാന്‍ കാര്‍ഡും ആധാര്‍ കാര്‍ഡും ലിങ്ക് ചെയ്തിട്ടുണ്ടെങ്കില്‍ നിങ്ങളുടെ ആധാര്‍ പാന്‍കാര്‍ഡുമായി ലിങ്ക് ചെയ്തിരിക്കുന്നുവെന്ന് സ്‌ക്രീനില്‍ കാണിക്കും; ഇല്ലെങ്കില്‍ 'ലിങ്ക് ചെയ്യുക' എന്ന ഓപ്ഷന്‍ കൊണ്ട് ഈ പ്രക്രിയ പൂര്‍ത്തിയാക്കാവുന്നതാണ്.

Wondering if your PAN card is linked with Aadhaar? The Income Tax Department has made it mandatory for most Indian citizens. Failure to link may cause financial and tax-related issues. Learn how to check your PAN-Aadhaar linking status quickly and avoid penalties. Stay compliant with the latest tax rules!