ന്യൂഡല്‍ഹി: ഡല്‍ഹിയിലെ സാകേത് ജില്ലാ കോടതിയില്‍ വിചാരണയ്ക്കായി കൊണ്ടുവന്നയാളെ രണ്ട് സഹതടവുകാര്‍ ലോക്കപ്പില്‍ കഴുത്തുഞെരിച്ച് കൊലപ്പെടുത്തി. കൊലപാതക ശ്രമക്കേസില്‍ വിചാരണ നേരിടുന്ന അമന്‍ (24) ആണ് കൊല്ലപ്പെട്ടത്. ജിതേന്ദര്‍ എന്ന ജിറ്റെ, ജയ്‌ദേവ് എന്ന ബച്ച എന്നിവരാണ് ആക്രമിച്ചത്. തിഹാര്‍ ജയിലിലെ ഏട്ടാം നമ്പര്‍ സെല്ലിലുള്ള മൂന്നുപേരെയും സാകേത് കോടതിയില്‍ ഹാജരാക്കാനായി ജയിലില്‍നിന്ന് കൊണ്ടുവന്ന് ലോക്കപ്പില്‍ ഇരുത്തിയ സമയത്താണ് സംഭവം. ഈ സമയം നിരവധി വിചാരണ തടവുകാര്‍ ലോക്കപ്പില്‍ ഉണ്ടായിരുന്നു.

ലോക്കപ്പ് ബ്ലോക്കിലെ ഖർജ നമ്പർ 5-ൽ മുറിയിൽ വെച്ച് ബുധനാഴ്ച രാവിലെ 9.50 നാണ് പ്രതികളായ തടവുകാർ അമനെ കെന്നത്. മറ്റ് 34 തടവുകാരെ സാക്ഷികളാക്കിയായിരുന്നു ആക്രമണം. കസ്റ്റഡി സുരക്ഷയെക്കുറിച്ചും ശത്രുതയുള്ള തടവുകാരെ ഒരേ മുറിയിൽ തുടരാനും അനുവദിക്കുന്ന പ്രോട്ടോക്കോൾ ലംഘനത്തെക്കുറിച്ചും ഗുരുതരമായ ചോദ്യങ്ങളാണ് സംഭവത്തിനു പിന്നാലെ ഉയരുന്നത്.

പൊലിസ് പറയുന്നതനുസരിച്ച്, കൊല്ലപ്പെട്ട അമൻ പോദ്ദാർ ഒരു കൊലപാതക കേസിൽ 2017 മുതൽ ജയിലിലായിരുന്നു. ഇയാളെ കോടതിയിൽ ഹാജരാക്കുന്നതിനായി കാത്തിരിക്കുമ്പോഴാണ് ആക്രമണം നടന്നത്.

മുപ്പത് വയസ്സ് പ്രായമുള്ള ജിതേന്ദർ സിംഗ്, ജയ്ദേവ് ചന്ദ് എന്നീ പ്രതികൾ അമനെ മർദിച്ച് അവശനാക്കിയ ശേഷം കഴുത്തുഞെരിച്ച് കൊല്ലുകയായിരുന്നു. ഇരട്ട പൂട്ടിട്ട വാതിൽ തുറന്ന് അമനെ പുറത്തെടുത്തപ്പോഴേക്കും ഇയാൾ തീരെ അവശനായിരുന്നു. .

ഗോവിന്ദ്പുരി നിവാസിയായ പോദ്ദാറിനെ കോടതിയിൽ ഹാജരാക്കാൻ കൊണ്ടുവന്നപ്പോഴാണ് സംഭവം നടന്നതെന്ന് ഡെപ്യൂട്ടി പൊലിസ് കമ്മീഷണർ (സൗത്ത്) അങ്കിത് ചൗഹാൻ സ്ഥിരീകരിച്ചു. വ്യക്തി വൈരാഗ്യമാണ് ആക്രമണത്തിനു പിന്നിലെന്നാണ് പ്രാഥമിക അന്വേഷണത്തിൽ നിന്നും വ്യക്തതമാകുന്നത്.

2024 ൽ ജാമ്യത്തിലിറങ്ങിയപ്പോൾ പോദ്ദാർ തന്നെയും സഹോദരനെയും കത്തികൊണ്ട് ആക്രമിച്ചതായി ജിതേന്ദർ സിംഗ് ആരോപിച്ചതായി പോലീസ് പറഞ്ഞു. പോദ്ദാർ, സിംഗ്, ചന്ദ് എന്നീ മൂന്ന് പേരെയും തിഹാർ ജയിലിലായിരുന്നു. പക്ഷേ വ്യത്യസ്ത വാർഡുകളിലായിരുന്നു. ഏപ്രിലിൽ ഒരു പിടിച്ചുപറി കേസിലാണ് സിംഗ് അറസ്റ്റിലായത്. കഴിഞ്ഞ വർഷം നടത്തിയ ഒരു കവർച്ചാ കേസിലാണ് ചന്ദിനെ അറസ്റ്റ് ചെയ്തത്.

സുരക്ഷാ പ്രോട്ടോക്കോളുകൾ പ്രകാരം, പരസ്യമായ ശത്രുതയോ ഗുണ്ടാസംഘ ബന്ധമോ ഉള്ള തടവുകാരെ പ്രത്യേക ലോക്കപ്പുകളിൽ പാർപ്പിക്കണം.

"ഇത്തരമൊരു വീഴ്ച സംഭവിച്ചത് ഞെട്ടിപ്പിക്കുന്നതാണ്. അവരെയെല്ലാം എങ്ങനെയാണ് ഒരേ ലോക്കപ്പിൽ പാർപ്പിച്ചത്?"  സാകേത് ബാർ അസോസിയേഷന്റെ ഒരു അംഗം ചോദിച്ചു.

സാധാരണ ലോക്കപ്പിൽ ഒരേസമയം 40 വിചാരണത്തടവുകാരെ വരെ പാർപ്പിക്കാൻ കഴിയും. ഇത്തരം സാഹചര്യങ്ങളിൽ ലോക്കപ്പിനു പുറത്ത് ഒരു കോൺസ്റ്റബിളിനെ പുറത്ത് നിയോഗിച്ചിരിക്കണം. അന്ന് രാവിലെ, 37 തടവുകാർ അകത്ത് തിങ്ങിനിറഞ്ഞിരുന്നു.  പൊലിസ് കൊലപാതക കേസ് രജിസ്റ്റർ ചെയ്ത് കസ്റ്റഡിയിലെ വീഴ്ചകളെക്കുറിച്ച് അന്വേഷണം ആരംഭിച്ചിട്ടുണ്ട്.  സംഭവത്തെത്തുടർന്ന് കോടതി സമുച്ചയത്തിനുള്ളിലെ സുരക്ഷാ നടപടിക്രമങ്ങൾ പുനഃപരിശോധിക്കണമെന്ന ആവശ്യം ശക്തമായിട്ടുണ്ട്.

കൊലപാതകത്തിന് രണ്ടുപേര്‍ക്കെതിരേയും കേസെടുത്തതായും കൂടുതല്‍ അന്വേഷണം നടന്നുവരികയാണെന്നും പൊലിസ് പറഞ്ഞു.

A shocking incident occurred in a Delhi court lockup where an accused was beaten to death by fellow inmates. Authorities have launched an investigation into the security lapse.