റിയാദ്: ലോകത്തിലെ ഏറ്റവും വലിയ എണ്ണ കയറ്റുമതിക്കാരായ സഊദി അറേബ്യ 14 പുതിയ എണ്ണ, പ്രകൃതി വാതകമേഖലകള്‍ കൂടി കണ്ടെത്തി. ലോകത്തെ ഏറ്റവും വലിയ മണല്‍ മരുഭൂമികളിലൊന്നായ അറേബ്യന്‍ ഉപഭൂഖണ്ഡത്തിന്റെ തെക്കുഭാഗത്തുള്ള റബിഅ് അല്‍ ഖാലി (Empty Quarter)യില്‍ ഉള്‍പ്പെടെയാണ് പുതിയ എണ്ണ ശേഖരം കണ്ടെത്തിയത്. രാജ്യത്തിന്റെ കിഴക്കന്‍ മേഖലയിലും റബിഅ് അല്‍ ഖാലിയിലും 14 എണ്ണ, പ്രകൃതി വാതക പാടങ്ങളും ജലസംഭരണികളും കണ്ടെത്തിയതായി സഊദി എണ്ണ ഉല്‍പ്പാദക ഭീമന്‍ അരാംകോ പറഞ്ഞതായി ഔദ്യോഗിക വാര്‍ത്താ ഏജന്‍സി എസ്പിഎ പറഞ്ഞു. രാജ്യത്തിന്റെ ഊര്‍ജ്ജ പര്യവേക്ഷണ ശ്രമങ്ങളില്‍ സുപ്രധാന നാഴികക്കല്ലാണ് പുതിയ കണ്ടെത്തല്‍. 

ആഗോള ഊര്‍ജ്ജ ശക്തികേന്ദ്രമെന്ന നിലയില്‍ സഊദിയുടെ സ്ഥാനം ശക്തിപ്പെടുത്തുന്നതിന് പുതിയ കണ്ടെത്തലുകള്‍ സഹായിക്കുമെന്ന് ഊര്‍ജ്ജ മന്ത്രി അബ്ദുല്‍ അസീസ് ബിന്‍ സല്‍മാന്‍ പറഞ്ഞു. ഈ കണ്ടെത്തലുകള്‍ ദേശീയ കരുതല്‍ എണ്ണ ശേഖരം വര്‍ദ്ധിപ്പിക്കുകയും ദീര്‍ഘകാല ഊര്‍ജ്ജ സുരക്ഷയ്ക്കും സാമ്പത്തിക വികസനത്തിനും സംഭാവന നല്‍കുകയും ചെയ്യുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു.

നേരത്തെ ഏഷ്യന്‍ രാജ്യങ്ങള്‍ക്കുള്ള വില സഊദി വെട്ടിക്കുറച്ചതിനാല്‍ എണ്ണ വില നാല് വര്‍ഷത്തിനിടയിലെ ഏറ്റവും താഴ്ന്ന നിലയിലെത്തിയിട്ടുണ്ട്.

കിഴക്കന്‍ പ്രവിശ്യയില്‍, ജാബു1 എന്ന കിണറില്‍ നിന്ന് പ്രതിദിനം 800 ബാരല്‍ എന്ന തോതില്‍ എണ്ണ ഒഴുകിയെത്തിയതിനെ തുടര്‍ന്ന് നടത്തിയ പര്യവേക്ഷണമാണ് ജാബു എണ്ണപ്പാടം കണ്ടെത്താന്‍ സഹായിച്ചത്.

സയാഹിദ് ഫീല്‍ഡിലാണ് മറ്റൊരു ശ്രദ്ധേയമായ കണ്ടെത്തല്‍. സയാഹിദ്2 എന്ന കിണറില്‍ നിന്ന് 630 ബാരല്‍ എന്ന തോതില്‍ അസംസ്‌കൃത എണ്ണ ഒഴുകിയെത്തി. അയ്ഫാന്‍ ഫീല്‍ഡിലും എണ്ണ ശേഖരം ഉണ്ട്. അയ്ഫാന്‍2 എന്ന കിണറില്‍ നിന്ന് പ്രതിദിനം 2,840 ബാരല്‍ വളരെ നേരിയ അസംസ്‌കൃത എണ്ണയും ഏകദേശം 0.44 ദശലക്ഷം സ്റ്റാന്‍ഡേര്‍ഡ് ക്യുബിക് അടി വാതകവും ഉത്പാദിപ്പിക്കപ്പെട്ടു.

ബെറി ഫീല്‍ഡിലെ ജുബൈല റിസര്‍വോയറിലും എണ്ണ സ്ഥിരീകരിച്ചു. അവിടെ 520 ബാരല്‍ ബെറി907 എന്ന തോതില്‍ ലൈറ്റ് ക്രൂഡും പ്രതിദിനം 0.2 എംഎംഎസ്‌സിഎഫ് വാതകവുമാണ് കണ്ടെത്തിയത്. മസാലിജ് ഫീല്‍ഡിലെ ഉനൈസ എ റിസര്‍വോയറില്‍ നിന്ന് 1,011 ബാരല്‍ മസാലിജ്- 64 എന്ന കിണറില്‍ നിന്ന് പ്രീമിയം ലൈറ്റ് ക്രൂഡും പ്രതിദിനം 0.92 എംഎംഎസ്‌സിഎഫ് വാതകവും ലഭിച്ചു.

Saudi Arabia unveiled 14 new oil and natural gas discoveries in the Eastern Region and the vast Rub Al Khali, marking a significant milestone in the Kingdom’s energy exploration efforts.