തിരുവനന്തപുരം: ലഹരിയിൽ അടിമപ്പെട്ട് ഗുരുതരമായ മാനസിക പ്രശ്നങ്ങൾ ഉണ്ടാക്കുന്നവരെ ചികിത്സിക്കാനുള്ള കേന്ദ്രങ്ങൾ എല്ലാ ജില്ലകളിലും തുടങ്ങുമെന്ന് മുഖ്യമന്ത്രി പിണറായി വിജയൻ. ലഹരിക്ക് അടിമപ്പെടുന്ന ആളുകളെ ഒറ്റപ്പെടുത്തുന്ന സമീപനമല്ല സർക്കാർ സ്വീകരിക്കുന്നതെന്നും അത്തരം ആളുകളെ തിരുത്തി സമൂഹത്തോടൊപ്പം ചേർത്തു കൊണ്ടുപോകാനുമാണ് ശ്രമിക്കുന്നതെന്നും പിണറായി വിജയൻ പറഞ്ഞു.

സാധാരണ ജീവിതത്തിലേക്ക് മടങ്ങി വരുന്ന ആളുകളെ ഉൾകൊള്ളുന്ന രീതിയിലേക്ക് സമൂഹം മാറണമെന്നും അവർ ലഹരിയിലേക്ക് വീണ്ടും തിരിയാതിരിക്കാൻ ജാഗ്രത പുലർത്തണമെന്നും മുഖ്യമന്ത്രി വ്യക്തമാക്കി. നാം മുന്നോട്ട് എന്ന എന്ന പ്രതിവാര ടെലിവിഷൻ പരിപാടിയിലൂടെ സംസാരിക്കുകയായിരുന്നു അദ്ദേഹം. പുതിയ അധ്യയന വർഷത്തിൽ ലഹരി വിപത്തിനെതിരെയുള്ള പാഠ്യ പദ്ധതി പരിഷ്കരണങ്ങളും അധ്യാപക പരിശീലനങ്ങളും നൽകുമെന്നും മുഖ്യമന്ത്രി പറഞ്ഞു.

Pinarayi Vijayan says centers will be established in all districts to treat those who are addicted to drugs and have mental problems