ദോഹ, ഖത്തർ: ഖത്തറിൽ വ്യാജ എസ് എം എസുകൾ അയച്ചു പണവും വ്യക്തിഗത വിവരങ്ങങ്ങളും തട്ടിയെടുക്കാൻ ശ്രമം നടത്തിയ വൻ സംഘത്തെ അറസ്റ്റ് ചെയ്തു.ഏഷ്യൻ വംശജരായ 12 പേരടങ്ങുന്ന സംഘത്തെയാണ് ആഭ്യന്തര മന്ത്രാലയത്തിന്റെ കീഴിലുള്ള സാമ്പത്തിക സൈബർ കുറ്റകൃത്യ പ്രതിരോധ വകുപ്പ് അറസ്റ്റ് ചെയ്തത്. ഖത്തറിലെ വിവിധ നെറ്റ്‌വർക്ക് കമ്മ്യൂണിക്കേഷൻ ടവറുകൾ ഉപയോഗിച്ച് വ്യാജ എസ് എം എസുകൾ അയച്ചു ലിങ്കിലൂടെ പണവും മറ്റു സാമ്പത്തിക വിവരങ്ങളും തട്ടിയെടുക്കാനുള്ള കൊടും ക്രിമിനിനലുകളുടെ ലക്ഷ്യത്തെയാണ് ഈ അറസ്റ്റിലൂടെ തടയാൻ കഴിഞ്ഞത്. 

ഇത്തരം തട്ടിപ്പുകളിൽ പെടാതിരിക്കാൻ പൊതുജനങ്ങൾ ജാഗ്രത പാലിക്കണമെന്നും എസ്എംഎസ് വഴിയോ ഏതെങ്കിലും ആപ്ലിക്കേഷനുകൾ വഴിയോ ലഭിക്കുന്ന സംശയാസ്പദമായ ലിങ്കുകളിൽ ക്ലിക്ക് ചെയ്യരുതെന്നും  അത്തരം മാർഗങ്ങളിലൂടെ വ്യക്തിപരമോ സാമ്പത്തികമോ ആയ വിവരങ്ങൾ നൽകുകയോ വെളിപ്പെടുത്തുകയോ ചെയ്യരുതെന്നും ആഭ്യന്തര മന്ത്രാലയം അഭ്യർത്ഥിച്ചിട്ടുണ്ട്.

ഇത്തരം രീതിയിൽ വ്യക്തിഗത വിവരങ്ങളോ മറ്റോ ചോർത്താൻ ശ്രമിക്കുന്ന വിധത്തിലുള്ള കുറ്റകൃത്യത്തിൽ ഏർപ്പെടാൻ ശ്രമിക്കുന്നവരെ പിന്തുടരുന്നതിനും പിടികൂടുന്നതിനും മന്ത്രാലയം പ്രതിജ്ഞബദ്ധമാണെന്നും അത്തരം ക്രിമിനൽ പ്രവർത്തനങ്ങളിൽ ഏർപ്പെട്ടതായി തെളിയിക്കപ്പെട്ടവർക്കെതിരെ ആവശ്യമായ എല്ലാ നിയമ നടപടികളും സ്വീകരിക്കുമെന്നും ആഭ്യന്തര മന്ത്രാലയം അറിയിച്ചു.

Qatar authorities have arrested a large criminal gang involved in sending fraudulent messages to steal money and personal data. The scammers used fake messages to deceive victims. Police are warning the public to stay vigilant against such cyber fraud attempts.