വാഷിങ്ടണ്‍: നൂറ് ദിവസം കൊണ്ട് അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ ജനപ്രീതിയില്‍ വമ്പന്‍ ഇടിവുണ്ടായെന്ന് സര്‍വ്വേ റിപ്പോര്‍ട്ട്. അമേരിക്കയെ മികച്ചതാക്കുമെന്ന് വാഗ്ദാനത്തോടെ ഇലക്ഷന്‍ കാമ്പെയിന്‍ നടത്തി രണ്ടാം തവണ പ്രസിഡന്റ് പദത്തിലെത്തിയ ട്രംപിന് തന്റെ മേലുള്ള വിശ്വാസ്യത നിലനിര്‍ത്താനായില്ലെന്നാണ് റിപ്പോര്‍ട്ട്. അസോസിയേറ്റഡ് പ്രസ് നടത്തിയ സര്‍വേയില്‍ റിപ്പബ്ലിക്കന്‍ പാര്‍ട്ടിക്കാര്‍ ഉള്‍പ്പെടെയുള്ളവര്‍ നിരാശരാണെന്ന് കണ്ടെത്തി. 

നിലവില്‍ കേവലം 24 ശതമാനം ജനങ്ങള്‍ മാത്രമാണ് ട്രംപിന്റെ നയങ്ങളെ പിന്തുണക്കുന്നത്. ട്രംപ് അധികാരത്തിലേറിയതിന് പിന്നാലെ കൊണ്ടുവന്ന അമ്പതിലേറെ എക്‌സിക്യൂട്ടീവ് ഉത്തരവുകളാണ് നടപ്പിലാക്കിയത്.  

ഭരണത്തിലേറിയതിന് പിന്നാലെ ട്രംപ് കൊണ്ടുവന്ന പരിഷ്‌കാരങ്ങള്‍ രാജ്യത്തെ പുറകോട്ടടിപ്പിച്ചെന്നാണ് അമേരിക്കന്‍ ജനത വിശ്വസിക്കുന്നത്. അനധികൃത പ്രഖ്യാപനങ്ങളും, നികുതി നയങ്ങളും രാജ്യത്തിന്റെ സാമ്പത്തിക, സാമൂഹിക, സമാധാന അന്തരീക്ഷത്തെ പ്രതികൂലമായി ബാധിച്ചുവെന്നാണ് വിലയിരുത്തല്‍. 

താരിഫ് നയത്തെ എതിര്‍ത്തതും, സര്‍ക്കാര്‍ ജീവനക്കാരെ പിരിച്ച് വിടുന്നതിനുമെതിരെയാണ് ജനങ്ങള്‍ ശക്തമായ പ്രതികരിച്ചത്. രാജ്യത്തെ ഡെമോക്രാറ്റുകളും ട്രംപിന്റെ നയത്തില്‍ അതൃപ്തി അറിയിച്ചിട്ടുണ്ട്. 

A new survey shows that U.S. President Donald Trump's popularity has dropped a lot in just 100 days