കോയമ്പത്തൂരില്‍ ജനവാസകേന്ദ്രത്തില്‍ ഇറങ്ങിയ പുലി സന്ദര്‍ശിച്ചത് പൊലിസ് സ്റ്റേഷന്‍. പുലി കയറിയത് പരിഭ്രാന്തി പരത്തിയെങ്കിലും ആത്മസംയമനം നഷ്ടപ്പെടാതെ സ്റ്റേഷന്‍ ഡ്യൂട്ടിയില്‍ ഉണ്ടായിരുന്ന ഉദ്യോഗസ്ഥന്‍ പെട്ടെന്ന് വാതില്‍ അടച്ചത് കൊണ്ട് വലിയ വിപത്ത് ഒഴിവായി. നീലഗിരിയിലെ നടുവട്ടം പൊലിസ് സ്റ്റേഷനിലാണ് സംഭവം. ജനവാസകേന്ദ്രത്തില്‍ ഇറങ്ങിയ പുലി പൊലിസ് സ്റ്റേഷനിലേക്ക് കയറി വരുകയായിരുന്നു. 

ഇതിന്റെ സിസിടിവി ദൃശ്യങ്ങളും പുറത്തുവന്നു. പുലിയെ കണ്ട പൊലിസ് ഉദ്യോഗസ്ഥന്‍ ഭയപ്പെടാതെ സന്ദര്‍ഭോചിതമായി ഇടപെട്ടതാണ് വലിയ ആപത്ത് ഒഴിവായത്. പുലിയ കണ്ട ഉദ്യോഗസ്ഥനാവട്ടെ പുലി കെട്ടിടത്തിന്റെ പുറത്തേയ്ക്ക് പോകുന്നത് വരെ കാത്ത് പതുങ്ങിയിരുന്നു. പുലി കെട്ടിടത്തില്‍ നിന്ന് പുറത്തുകടന്നു എന്ന് ഉറപ്പാക്കിയ ഉടന്‍ തന്നെ സ്റ്റേഷന്റെ വാതില്‍ അടച്ചാണ് ജീവനക്കാരെ സുരക്ഷിതരാക്കിയത്. തുടര്‍ന്ന് ഉടന്‍ തന്നെ വനംവകുപ്പ് ഉദ്യോഗസ്ഥരെ വിവരം അറിയിക്കുകയും ചെയ്തു. എന്നാല്‍ പുലി കാട്ടിലേക്ക് തന്നെ മടങ്ങുകയും ചെയ്തു.