അൽ ഐൻ: ഗൾഫ് സുപ്രഭാതം അൽ ഐൻ സ്റ്റേറ്റ് പ്രചാരണ സംഗമവും കൺവെൻഷനും അൽ ഐൻ സുന്നി സെന്ററിൽ നടത്തി. യോഗത്തിൽ യുഎഇ സുന്നി കൗൺസിൽ പ്രസിഡന്റ് സയ്യിദ് പൂക്കോയ തങ്ങൾ  ബാ അലവി അധ്യക്ഷനായി. സുപ്രഭാതം റസിഡന്റ് എഡിറ്റർ സത്താർ പന്തല്ലൂർ യോഗം ഉദ്ഘാടനം ചെയ്ത്  മുഖ്യ പ്രഭാഷണവും നടത്തി. ഹുസൈൻ ദാരിമി ആമുഖ പ്രഭാഷണം നടത്തി. സയ്യിദ് ശിഹാബുദ്ധീൻ തങ്ങൾ ബാ അലവി, മൻസൂർ മൂപ്പൻ അബുദാബി, മുഹമ്മദ് ഷാഫി ഇരിങ്ങാവൂർ അബുദാബി, ഹംസ ലത്തീഫി അൽ ഐൻ,എന്നിവർ സംസാരിച്ചു. യോഗത്തിൽ നൗഷാദ് തങ്ങൾ ഹുദവി, പ്രസിഡന്റ് അലി ഫൈസി ദുബൈ, റഷീദ് അൻവരി, സൈനുദ്ധീൻ, ശാഹുൽ ഹമീദ് ഹാജി, ഖാലിദ് ഫൈസി, ബഷീർ മൗലവി, മുനീർ ദാരിമി തുടങ്ങി നിരവധി നേതാക്കൾ പങ്കെടുത്തു. സയ്യിദ് ശിഹാബുദ്ധീൻ തങ്ങൾ ബാ അലവി ചെയർമാനും, വർക്കിംഗ് ചെയർമെൻ ഫൈസൽ മൗലവി, കൺവീനർ സൈനുദ്ധീൻ, ട്രെഷറർ ശാഹുൽ ഹമീദ് ഹാജി, ചീഫ് കോഡിനേറ്റർ നിഷാർ കരിക്കാട് ഭാരവാഹികളായി ഗൾഫ് സുപ്രഭാതം പ്രചാരണ സമിതി രൂപീകരിച്ചു.