കൊച്ചി: വൈറ്റിലയിലെ ആർക്ടിക് എന്ന ഹോട്ടലിൽ സ്പായുടെ മറവിൽ അനാശാസ്യ പ്രവർത്തനം. പൊലീസ് നടത്തിയ പരിശോധനയിൽ 11 യുവതികളെ കസ്റ്റഡിയിലെടുത്തു. ഹോട്ടലിൽ ലഹരിമരുന്ന് ഇടപാട് നടക്കുന്നുവെന്ന രഹസ്യവിവരത്തെ തുടർന്നാണ് പൊലീസും ഡാൻസാഫ് സംഘവും ചേർന്ന് പരിശോധന നടത്തിയത്.

സൗത്ത് എസിപിയുടെ നേതൃത്വത്തിൽ രണ്ട് മണിക്കൂറിലേറെ നീണ്ട പരിശോധനയിൽ ലഹരിമരുന്നുകൾ കണ്ടെത്താനായില്ല. എന്നാൽ, സ്പായുടെ മറവിൽ അനാശാസ്യ പ്രവർത്തനങ്ങൾ നടത്തിവന്ന 11 യുവതികളെ പൊലീസ് കണ്ടെത്തി കസ്റ്റഡിയിലെടുക്കുകയായിരുന്നു. പിടിയിലായവർ എല്ലാം മലയാളികളാണെന്നും പൊലീസ് വ്യക്തമാക്കി.

കൊച്ചി നഗരത്തിൽ ലഹരിമരുന്ന് വിൽപ്പന സജീവമാണെന്ന വിവരത്തിന്റെ അടിസ്ഥാനത്തിലാണ് പൊലീസും ഡാൻസാഫ് സംഘവും സംയുക്തമായി പരിശോധന ശക്തമാക്കിയത്. സംഭവത്തിൽ കൂടുതൽ അന്വേഷണം പുരോഗമിക്കുകയാണ്.

In Kochi, a police raid on a Vyttila hotel, prompted by a tip-off about drug trafficking, uncovered an illegal operation masquerading as a spa. While no drugs were found, 11 Malayali women were taken into custody for alleged immoral activities. The operation, led by South ACP, followed a two-hour inspection based on reports of active drug trade in the city.