ആലപ്പുഴ: കളർകോട് റോഡ് മുറിച്ച് കടക്കവേ അമ്പലപ്പുഴ ഡിവൈഎസ്പിയുടെ ഔദ്യോഗിക വാഹനം ഇടിച്ച് കാൽനട യാത്രക്കാരൻ മരിച്ചു. ഇരവുകാട് സ്വദേശി സിദ്ധാർഥൻ (64) ആണ് മരിച്ചത്. ശനിയാഴ്ച ഉണ്ടായ അപകടത്തിൽ ഗുരുതരമായി പരിക്കേറ്റ സിദ്ധാർഥനെ ഔദ്യോഗിക വാഹനത്തിൽ തന്നെ ആലപ്പുഴ ജനറൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

ഡിവൈഎസ്പിയുടെ ഡ്രൈവർ ഓടിച്ചിരുന്ന വാഹനമാണ് അപകടത്തിൽപ്പെട്ടത്. പൊലീസ് കേസെടുത്ത് അന്വേഷണം ആരംഭിച്ചു.