ചെന്നൈ: പഹല്‍ഗാം ഭീകരാക്രമണവുമായി ബന്ധമുണ്ടെന്ന് കരുതുന്ന ഭീകരര്‍ ശ്രീലങ്കയില്‍ എത്തിയതായി സംശയം. ഇതിന്റെ അടിസ്ഥാനത്തില്‍ ചെന്നൈയില്‍ നിന്നും കൊളംബോയിലേക്ക് പോയ വിമാനത്തിലാണ് പരിശോധന നടത്തിയത്.

കൊളംബോയിലെ ബന്ദാരനായകെ വിമാനത്താവളത്തില്‍ ശ്രീലങ്കന്‍ പൊലിസും ശ്രീലങ്കന്‍ സുരക്ഷാ ഉദ്യോഗസ്ഥരും സംയുക്തമായാണ് പരിശോധന നടത്തിയത്.
 
ശ്രീലങ്കന്‍ മാധ്യമങ്ങളാണ് ഈ വിവരം പുറത്തുവിട്ടത്. ചെന്നൈയില്‍ നിന്ന് ശനിയാഴ്ച ഉച്ചയ്ക്ക് കൊളംബോയില്‍ ലാന്റ് ചെയ്ത വിമാനത്തില്‍ ചിലര്‍ക്കായി പരിശോധന നടന്നുവെന്നാണ് മാധ്യമങ്ങള്‍ റിപ്പോര്‍ട്ടു ചെയ്തത്. ശ്രീലങ്കന്‍ എയര്‍ലൈന്‍സും ഈ വിവരം ഔദ്യോഗികമായി സ്ഥിരീകരിച്ചിട്ടുണ്ട്. 

ഇന്ത്യ ആവശ്യപ്പെട്ടതിന്റെ അടിസ്ഥാനത്തില്‍ ചെന്നൈയില്‍ നിന്നും എത്തിയ യുഎല്‍ 122-ാം നമ്പര്‍ വിമാനത്തില്‍ പരിശോധന നടത്തി എന്ന് ശ്രീലങ്കന്‍ യെര്‍ലൈന്‍സ് വിശദീകരിച്ചു. ഇന്ത്യയില്‍ അന്വേഷണം നേരിടുന്ന പ്രതികള്‍ക്ക് വേണ്ടിയാണ് വിമാനത്തില്‍ പരിശോധന നടത്തിയതെന്നും എയര്‍ലൈന്‍സ് കൂട്ടിച്ചേര്‍ത്തു.

Authorities suspect six Sri Lankan nationals in the recent Pahalgam terror attack. A thorough search of their flight is underway as investigators probe possible international links.