അർജന്റൈൻ ഇതിഹാസം ലയണൽ മെസി കളിക്കുമ്പോൾ ടീമിലുണ്ടാകുന്ന സ്വാധീനത്തെക്കുറിച്ച് സംസാരിക്കുകയാണ് സ്പാനിഷ് താരം സെർജിയോ ബുസ്‌ക്വറ്റ്സ്. മെസി ടീമിലുണ്ടെങ്കിൽ ടീം മുഴുവനായും അദ്ദേഹത്തെ ആശ്രയിക്കുമെന്നാണ് സ്പാനിഷ് താരം അഭിപ്രായപ്പെട്ടത്. 

''മെസി ടീമിലുണ്ടെങ്കിൽ അദ്ദേഹത്തെ ആരും തന്നെ ആശ്രയിക്കാത്തതായി കാണില്ല. ലോകത്തിലെ ഏറ്റവും നിർണായകമായ താരമാണ് അദ്ദേഹം. ഏറ്റവും മികച്ച കളിക്കാരനാണ് അദ്ദേഹം. 100 ശതമാനം അല്ലെങ്കിലും അദ്ദേഹത്തെ ഞങ്ങൾ വലിയ രീതിയിൽ ആശ്രയിക്കേണ്ടതുണ്ട്. അദ്ദേഹം മത്സരങ്ങളിൽ എത്രത്തോളം ഇടപെടുന്നുണ്ടോ എന്നാണ് നോക്കേണ്ടത്. ഇത് അദ്ദേഹത്തിന് ടീമിനെ കൂടുതൽ സഹായിക്കാൻ സാധിക്കും'' സെർജിയോ ബുസ്‌ക്വറ്റ്സ് പറഞ്ഞു. 

നിലവിൽ മെസി അമേരിക്കൻ ക്ലബ് ഇന്റർ മയാമിയുടെ താരമാണ്. 2023ലാണ് മെസി പാരീസ് വിട്ട് മേജർ ലീഗിലേക്ക് പോയത്. മെസിയുടെ വരവോടെ ഇന്റർ മയാമി വേണ്ടി മിന്നും പ്രകടനമാണ് നടത്തിയിരുന്നത്. ക്ലബ്ബിന്റെ ചരിത്രത്തിൽ ഇതുവരെ ഇല്ലാതിരുന്ന ലീഗ്‌സ് കപ്പ് കിരീടവും മെസിയുടെ നേതൃത്വത്തിൽ ആണ് മയാമി സ്വന്തമാക്കിയത്. ഇതിന് പുറമെ സപ്പോർട്ടേഴ്‌സ് ഷീൽഡും മയാമി സ്വന്തമാക്കി. ഈ സീസണിൽ ഇന്റർ മയമിക്കായി ഒമ്പത് മത്സരങ്ങളിൽ നിന്നും എട്ട് ഗോളുകളും മൂന്ന് അസിസ്റ്റുകളും ആണ് മെസി സ്വന്തമാക്കിയിട്ടുള്ളത്. 

കോൺകാഫ് കപ്പിൽ നിന്നും ഇന്റർ മയാമി പുറത്തായിരുന്നു. സെമി ഫൈനലിൽ വാൻകൂവറിനെതിരെ പരാജയപ്പെട്ടതാണ് മെസിയും സംഘവും പുറത്തായത്. ഒന്നിനെതിരെ മൂന്ന് ഗോളുകൾക്കായിരുന്നു വാൻകൂവറിന്റെ വിജയം. നിലവിൽ എംഎൽഎസ്സിൽ അഞ്ചാം സ്ഥാനത്താണ് ഇന്റർ മയാമി. ഒമ്പത് മത്സരങ്ങളിൽ നിന്നും അഞ്ചു ജയവും മൂന്ന് സമനിലയും ഒരു തോൽവിയും അടക്കം 18 പോയിന്റാണ് മയാമിക്കുള്ളത്. 

Sergio Busquets talks about Lionel Messi Importance of Teams Playing Football