യുവേഫ ചാമ്പ്യൻസ് ലീഗിൽ ഫ്രഞ്ച് ക്ലബ് പാരീസ് സെയ്ന്റ് ജെർമെയ്ൻ സ്വപ്ന തുല്യമായ മുന്നേറ്റമാണ് ഈ സീസണിൽ നടത്തിക്കൊണ്ടിരിക്കുന്നത്. നിലവിൽ പിഎസ്ജി യുസിഎല്ലിന്റെ സെമി ഫൈനലിൽ ആണ് എത്തിയിട്ടുള്ളത്. സെമിയിൽ ആദ്യ പാദത്തിൽ ആഴ്സണലിനെ ഏകപക്ഷീയമായ ഒരു ഗോളിന് പിഎസ്ജി പരാജയപ്പെടുത്തിയിരുന്നു. തങ്ങളുടെ ചരിത്രത്തിലെ ആദ്യ ചാമ്പ്യൻസ് ലീഗ് കിരീടം സ്വന്തമാക്കാനായിരിക്കും ഈ സീസണിൽ പിഎസ്ജി ലക്ഷ്യം വെക്കുക. 

ഇപ്പോൾ പാരീസിന്റെ ഈ മികച്ച മുന്നേറ്റത്തിന് പിന്നാലെ ടീമിന്റെ പരിശീലകൻ ലൂയിസ് എൻറിക്വയെ പ്രശംസിച്ചുകൊണ്ട് സംസാരിക്കുമാകയാണ് ജർമൻ ഇതിഹാസം ബാസ്റ്റ്യൻ ഷെയ്ൻസ്റ്റീഗർ. പിഎസ്ജി ടീമിന്റെ ഏറ്റവും വലിയ സൂപ്പർ സ്റ്റാർ എന്നാണ് ലൂയിസ് എൻറിക്വയെ ഷൈൻസ്റ്റീഗർ വിശേഷിപ്പിച്ചത്. 

''പിഎസ്ജിക്ക് നെയ്മർ ഉണ്ടായിരുന്നു, എംബാപ്പെ ഉണ്ടായിരുന്നു, മെസിയും ഉണ്ടായിരുന്നു. എന്നാൽ ഇപ്പോൾ ഒരു സൂപ്പർ സ്റ്റാർ ഇല്ലാത്ത ഈ ടീമിൽ കാര്യങ്ങൾ വളരെ മികച്ചതായി തോന്നുന്നു. എനിക്ക് തോന്നുന്നത് ഇ ടീമിലെ ഏറ്റവും വലിയ സൂപ്പർ സ്റ്റാർ ലൂയിസ് എൻറിക്വെ ആണെന്നാണ്. അദ്ദേഹം ബാഴ്സലോണയുടെ പരിശീലകനായിരുന്ന സമയങ്ങളിൽ അത്ഭുതകരമായ പ്രകടനങ്ങളാണ് നടത്തിയത്. എല്ലാ താരങ്ങളുമായും അദ്ദേഹം ടീമിൽ കാര്യങ്ങൾ കൈകാര്യം ചെയ്ത രീതി അതിശയകരമാണ്'' ബാസ്‌റ്റിയൻ ഷൈൻസ്റ്റീഗർ പറഞ്ഞു. 

ഫ്രഞ്ച് ലീഗിലും ലൂയിസിന്റെ കീഴിൽ മികച്ച മുന്നേറ്റമാണ് പാരീസ് നടത്തിക്കൊണ്ടിരിക്കുന്നത്. നിലവിൽ ലീഗ് വണ്ണിൽ ഒന്നാം സ്ഥാനത്താണ് പിഎസ്ജി. 31 മത്സരങ്ങളിൽ നിന്നും 24 വിജയവും ആറ് സമനിലയും ഒരു തോൽവിയും അടക്കം 78 പോയിന്റാണ് പിഎസ്ജിയുടെ കൈവശമുള്ളത്. 

bastian schweinsteiger praises psg coach luis enrique