ലാഹോര്‍: ഇന്ത്യ പാകിസ്താന്‍ നയതന്ത്ര ബന്ധം വഷളാകുന്നതിനിടെ പ്രകോപനം ആവര്‍ത്തിച്ച് പാക് പ്രതിരോധ മന്ത്രി ഖ്വാജ ആസിഫ്. ഇന്ത്യയും പാകിസ്താനും തമ്മിലുള്ള സിന്ധു നദീജല കരാര്‍ റദ്ദാക്കാനുള്ള നടപടിയുമായി ഇന്ത്യ മുന്നോട്ടുപോയാല്‍ തിരിച്ചടിക്കുമെന്ന് ആസിഫ് പറഞ്ഞു. നദിയില്‍ വെള്ളം തടയാനായി അണക്കെട്ട് നിര്‍മ്മിച്ചാല്‍ ഇത് തകര്‍ക്കുമെന്നും ഖ്വാജ ആസിഫ് ഭീഷണി മുഴക്കി. 

സിന്ധു നദീജല കരാര്‍ റദ്ദാക്കിയാല്‍ പാകിസ്താന്റെ കാര്‍ഷിക ആവശ്യങ്ങള്‍ക്കും മറ്റാവശ്യങ്ങള്‍ക്കുമായി ഉപയോഗിക്കുന്ന ജലത്തിന്റെ സിംഹഭാഗവും നഷ്ടമാകും.

രാജ്യത്തെ നടുക്കിയ പഹല്‍ഗാം ആക്രമണത്തിനു തൊട്ടുപിന്നാലെയാണ് സിന്ധു നദീജല കരാര്‍ റദ്ദാക്കുന്നതായി ഇന്ത്യ അറിയിച്ചത്. ഭീകരാക്രമണത്തിനു ശേഷം സുരക്ഷാസമിയി യോഗം ചേര്‍ന്നാണ് ഇന്ത്യ നിര്‍ണായക തീരുമാനം എടുത്തത്. കരാര്‍ റദ്ദാക്കുന്നതും ജലം നിഷേദിക്കുന്നതും യുദ്ധസമാനമെണെന്ന് ഇതിനുപിന്നാലെ പാകിസ്താന്‍ പ്രതികരിച്ചിരുന്നു. 

പാകിസ്താന്‍ ജനതയുടെ കുടിവെള്ളം മുടക്കിയാല്‍ നദികളിലൂടെ ഇന്ത്യക്കാരുടെ രക്തമായിരിക്കും ഒഴുകുക എന്ന പ്രകോപനപരമായ പ്രസ്താവനക്കു ശേഷം ഇതു രണ്ടാം തവണയാണ് ഖ്വാജ ആസിഫ് ഭീഷണി സന്ദേശം ഉയര്‍ത്തുന്നത്.

ഇത്തരം വിരട്ടലുകള്‍ പാകിസ്താന്‍കാരുടെ പേടിയാണ് സൂചിപ്പിക്കുന്നതെന്നും പാക് പ്രതിരോധ മന്ത്രിക്കുള്‍പ്പെടെ ഉറക്കം നഷ്ടപ്പെട്ടിരിക്കുകയാണെന്നും ബിജെപി നേതാവ് ഷാനവാസ് ഹുസൈന്‍ തിരിച്ചടിച്ചു.

Pakistan's Defense Minister has once again issued a provocative threat to target dams built on the Indus River, escalating tensions and raising serious regional security concerns.