മധ്യപ്രദേശിലെ ധാര്‍ ജില്ലയില്‍ പ്ലസ് ടു വിദ്യാര്‍ഥിനിയെ കൊലപ്പെടുത്തി സഹപാഠി. ഉമര്‍ബാന്‍ പൊലിസ് സ്റ്റേഷന്‍ പരിധിയിലുള്ള ഒരു കൃഷിയിടത്തില്‍ നിന്നാണ് വിദ്യാര്‍ത്ഥിനിയുടെ മൃതദേഹം കണ്ടെത്തിയതെന്ന് പൊലീസ് വ്യക്തമാക്കി. സംഭവസ്ഥലം ജില്ലാ ആസ്ഥാനത്തുനിന്ന് ഏകദേശം 70 കിലോമീറ്റര്‍ ദൂരെ ആണെന്ന് ഉദ്യോഗസ്ഥര്‍ വ്യക്തമാക്കി. 

അന്വേഷണത്തില്‍, മരിച്ച പെണ്‍കുട്ടിയെ ഒരു സഹപാഠി ഏറെക്കാലമായി ശല്യപ്പെടുത്തുന്നുണ്ടായിരുന്നുവെന്ന് പൊലിസ് വ്യക്തമാക്കി. തുടര്‍ന്ന് നടത്തിയ അന്വേഷണത്തില്‍ പെണ്‍കുട്ടിയുടെ സഹപാഠിയെ പൊലിസ് കസ്റ്റഡിയിലെടുത്തു. ചോദ്യം ചെയ്യലിനിടെ പ്രതി കുറ്റം സമ്മതിച്ചതായും, പെണ്‍കുട്ടി തന്നോട് സംസാരിക്കുന്നത് നിര്‍ത്തിയതാണ് പ്രതിയെ കുറ്റകൃത്യത്തിലേക്ക് നയിച്ചതെന്നും പൊലിസ് വ്യക്തമാക്കി. 

വെള്ളിയാഴ്ച രാത്രി വയലിലേക്ക് വരാന്‍ പ്രതി പെണ്‍കുട്ടിയോട് ആവശ്യപ്പെട്ടിരുന്നു. ഇതുപ്രകാരം വയലില്‍ എത്തിയ പെണ്‍കുട്ടിയെ പ്രതി മൂര്‍ച്ചയേറിയ ആയുധം ഉപയോഗിച്ച് കുത്തി കൊലപ്പെടുത്തുകയായിരുന്നുവെന്ന് പൊലിസ് പറയുന്നു. അതേസമയം, സംഭവത്തെക്കുറിച്ച് വിശദമായ അന്വേഷണം നടക്കുകയാണെന്ന് അഡീഷണല്‍ എസ്.പി ഗിതേഷ് ഗാര്‍ഗ് വ്യക്തമാക്കി.

In a shocking incident, a Plus Two student was murdered by her classmate in Dhar district, Madhya Pradesh. The victim's body was found in an agricultural field under the Umarban police station limits, located about 70 km from the district headquarters. Police are investigating the case further.