കുവൈത്ത് സിറ്റി: 19 വർഷത്തെ നിയന്ത്രണങ്ങൾക്ക് ശേഷം പാകിസ്ഥാൻ പൗരന്മാർക്ക് വിസ നൽകുന്നത് കുവൈത്ത് ഔദ്യോഗികമായി പുനരാരംഭിച്ചു. പാകിസ്ഥാനികൾക്ക് വിവിധ വിസ വിഭാഗങ്ങൾക്കുള്ള ദീർഘകാല വിലക്ക് നീക്കിയതായി മാധ്യമങ്ങൾ റിപോർട്ട് ചെയ്തു. കുവൈത്ത് വിസ നിരോധനം നീക്കിയതോടെ തൊഴിൽ, കുടുംബം, സന്ദർശനം, ടൂറിസ്റ്റ്, വാണിജ്യ വിസകൾ ഉൾപ്പെടെ നിരവധി വിസകൾ പാകിസ്ഥാൻ പൗരന്മാർക്ക് അനുവദിക്കും.

ഗൾഫ് രാജ്യത്ത് ജോലി, ബിസിനസ്സ്, ടൂറിസം എന്നിവ അന്വേഷിക്കുന്ന ആയിരക്കണക്കിന് പാകിസ്ഥാനികൾക്ക് ആശ്വാസമാണ് പുതിയ നടപടി.

 പിന്നാലെ കുവൈത്തിലെ മെഡിക്കൽ മേഖലയ്ക്കായി പാകിസ്ഥാനിൽ നിന്ന് ഏകദേശം 1,200 നഴ്‌സുമാരെ നിയമിക്കാനുള്ള നീക്കവും തുടങ്ങി. ആദ്യ നഴ്‌സ് സംഘം ഉടൻ പോകുമെന്ന് പ്രതീക്ഷിക്കുന്നു. കുവൈത്തിൻ്റെ തീരുമാനം പാകിസ്ഥാൻ സ്വാഗതം ചെയ്തു. പാകിസ്ഥാൻ പൗരന്മാർക്ക് ഇനി കുവൈത്ത് വിസകൾക്കു ദീർഘകാല സമയം നേരിടേണ്ടിവരില്ലെന്ന് അധികൃതർ അറിയിച്ചു. 

സുരക്ഷാ കാരണങ്ങൾ ചൂണ്ടിക്കാട്ടി 2011ൽ ആണ് പാകിസ്ഥാൻ, ഇറാൻ, സിറിയ, അഫ്ഗാനിസ്ഥാൻ എന്നീ രാജ്യങ്ങളിൽ നിന്നുള്ള പാസ്‌പോർട്ട് ഉടമകൾക്ക് വിസ നൽകുന്നത് കുവൈത്ത് നിർത്തിവച്ചത്. സസ്പെൻഷൻ നടപടി പിൻവലിച്ചത് മേഖലയിലെ നയതന്ത്ര, സുരക്ഷാ ബന്ധങ്ങൾ മെച്ചപ്പെട്ടതിന്റെ സൂചനയാണ്. 

Kuwait lifts 19-year visa ban for Pakistani citizens