തിരുവനന്തപുരം: ട്രാക്കില്‍ മരം വീണതിനെ തുടര്‍ന്ന് തിരുവനന്തപുരത്തേക്കും തിരുവനന്തപുരത്തുനിന്ന് പുറപ്പെടേണ്ടതും ആയ ട്രെയിനുകള്‍ വൈകിയോടുന്നു. തിരുവനന്തപുരത്തുനിന്ന് പുറപ്പെടേണ്ടിയിരുന്ന അമൃത എക്‌സ്പ്രസ് പുറപ്പെടാന്‍ വൈകി.

കഴക്കൂട്ടം, കടയ്ക്കാവൂര്‍ ഭാഗങ്ങളില്‍ ട്രാക്കില്‍ വീണ മരം നീക്കംചെയ്യുന്ന പ്രവര്‍ത്തനങ്ങള്‍ ഏറെക്കുറെ പൂര്‍ത്തിയായി. കൊച്ചുവേളിയില്‍ വൈദ്യുതി ലൈനില്‍ തകരാര്‍ കണ്ടെത്തി. റെയില്‍വേ അറിയിച്ചതനുസരിച്ച് കൊല്ലം ഭാഗത്തേക്കുള്ള ട്രെയിനുകള്‍ക്ക് ട്രാക്ക് ക്രമീകരിക്കുന്നതിനാണ് ഇപ്പോള്‍ മുന്‍ഗണന നല്‍കുന്നത്.

കടയ്ക്കാവൂരില്‍ ട്രാക്കില്‍ വീണ മരം മുറിച്ചുമാറ്റിയതോടെ വൈദ്യുതി ലൈന്‍ ചാര്‍ജ് ചെയ്യുന്ന പ്രവര്‍ത്തനങ്ങള്‍ തുടരുകയാണ്. കൊല്ലം ഭാഗത്തേക്കുള്ള ട്രെയിനുകള്‍ ലൈന്‍ ക്രമീകരിച്ച ശേഷം കടത്തിവിടുമെന്ന് റെയില്‍വേ വ്യക്തമാക്കി. കൊച്ചുവേളിയിലെ വൈദ്യുതി ലൈന്‍ പണികള്‍ പുരോഗമിക്കുകയാണ്.

വൈകിയോടുന്ന ട്രെയിനുകൾ

1) 16604- മാവേലി എക്‌സ്പ്രസ്  
2) 16629- മലബാർ എക്‌സ്പ്രസ്
3) 56304- കൊല്ലം പാസഞ്ചർ
4) 16342- ഗുരുവായൂർ ഇന്റർ സിറ്റി
5) 16730- പാലരുവി എക്‌സ്പ്രസ്
6) 56706 പുനലൂർ പാസഞ്ചർ
7) 22642 - ഷാലിമാർ എക്‌സ്പ്രസ്
8) 16649- പരശുറാം എക്‌സ്പ്രസ്
9) 16318- ഹിമസാഗർ എക്‌സ്പ്രസ്
10) 16301- വേണാട് എക്‌സ്പ്രസ്
11) 16345 - നേത്രാവതി എക്‌സ്പ്രസ് 

Train services in Thiruvananthapuram were delayed after trees fell on railway tracks near Kazhakoottam and Kadakkavoor. The Amrita Express from Thiruvananthapuram was affected, while restoration work is underway. Railway officials prioritize clearing tracks for Kollam-bound trains, with ongoing repairs to damaged power lines in Kochuveli.