ഹൈദരാബാദ്: ദലിത് പ്രൊഫസര്‍ക്ക് ഔദ്യോഗിക ഇരിപ്പിടം നല്‍കാതെ തറയിലിരുത്തി കോളജ് അധികൃതര്‍. ആന്ധ്രാപ്രദേശിലെ തിരുപ്പതിയിലുള്ള എസ്.വി വെറ്ററിനറി സര്‍വകലാശാല ഡയറി ടെക്‌നോളജി കോളജിലെ അസിസ്റ്റന്റ് പ്രൊഫസര്‍ ഡോ. രവിയാണ് ജാതി അവഹേളനത്തിനിരയായത്. കസേര ലഭിക്കാതിരുന്നതോടെ രവി ഓഫിസിലെ തറയിലിരുന്ന് ജോലിചെയ്തു. അദ്ദേഹം ഓഫിസിലെ തറയില്‍ ഇരുന്ന് കംപ്യൂട്ടറുകളും രേഖകളും നോക്കുന്നതിന്റെ ദൃശ്യങ്ങള്‍ സമൂഹമാധ്യമങ്ങളില്‍ പ്രചരിക്കുന്നുണ്ട്. ഡോ. രവി അവധിക്ക് ശേഷം വെള്ളിയാഴ്ച ഓഫിസില്‍ തിരിച്ചെത്തിയപ്പോള്‍ കസേര മാറ്റിവയ്ക്കുകയായിരുന്നു. ഔദ്യോഗിക ജോലിയുടെ ഭാഗമായി പാല്‍ പരിശോധനയ്ക്കായി പോയതോടെ അസോഷ്യേറ്റ് ഡീന്‍ രവീന്ദ്ര റെഡ്ഡി അത് നീക്കം ചെയ്തതായി ഡോ. രവി ആരോപിച്ചു.

സംഭവത്തില്‍ മുഖ്യമന്ത്രി എന്‍. ചന്ദ്രബാബു നായിഡുവിനെതിരേ പ്രതിപക്ഷം രംഗത്തുവന്നു. ദലിതര്‍ക്കുനേരെയുള്ള വിവേചനത്തില്‍ മുഖ്യമന്ത്രി മൗനംപാലിക്കുകയാണെന്ന് പ്രതിപക്ഷം ആരോപിച്ചു. വിഷയത്തില്‍ ഇതുവരെ ഡോ. രവി പരാതി നല്‍കുകയോ സര്‍വകലാശാല അന്വേഷണം പ്രഖ്യാപിക്കുകയോ ചെയ്തിട്ടില്ല.

🚨 #TDPAntiDalit

తిరుపతి ఎస్వీ వెటర్నరీ యూనివర్సిటీలో దళిత అసిస్టెంట్ ప్రొఫెసర్‌కు అవమానం

యూనివర్సిటీ డెయిరీ టెక్నాలజీ కళాశాలలో.. కుల వివక్ష చూపుతూ అసిస్టెంట్ ప్రొఫెసర్ రవి వర్మ ఛాంబర్ లో కుర్చీలు తొలగించిన ప్రిన్సిపల్

దాంతో కింద కూర్చుని విధులు నిర్వహిస్తున్న రవివర్మ

విషయం… pic.twitter.com/mlbFr29nnz

— YSR Congress Party (@YSRCParty) June 22, 2025

അതേസമയം, ഒഡീഷയില്‍ പശുക്കടത്ത് ആരോപിച്ച് ദലിത് യുവാക്കളെ കൈകാലുകള്‍ കെട്ടിയിട്ട് ക്രൂരമായി മര്‍ദ്ദിച്ചവശരാക്കിയ ശേഷം മുടി മുറിക്കുകയും മുട്ടുകുത്തി നടത്തിക്കുകയും ചെയ്തു. മുട്ടുകുത്തി ഇഴയുന്നതിനൊപ്പം യുവാക്കളെ അക്രമികള്‍ മലിനജലം കുടിപ്പിച്ചതായും പരാതിയില്‍ പറയുന്നു. ഗഞ്ചം ജില്ലയില്‍ ധാരാകോട്ട് പൊലിസ് പരിധിയിലുള്ള ഖരിഗുമ്മ ഗ്രാമത്തില്‍ ആണ് സംഭവം. ദലിത് യുവാക്കള്‍ പശുവിനെയും രണ്ട് കിടാവിനെയും വാങ്ങി വീട്ടിലേക്ക് മടങ്ങുമ്പോള്‍ ആള്‍ക്കൂട്ടം അവരെ ആക്രമിച്ച് 30,000 രൂപ ആവശ്യപ്പെടുകയായിരുന്നു. പണം നല്‍കാന്‍ യുവാക്കള്‍ വിസമ്മതിച്ചതോടെയാണ് ആക്രമണം തുടങ്ങിയത്. ജനക്കൂട്ടം അവരെ മര്‍ദ്ദിക്കുകയും ബലമായി തല മൊട്ടയടിക്കുകയും ഇഴയാന്‍ നിര്‍ബന്ധിക്കുകയും മലിനജലം കുടിക്കാന്‍ നിര്‍ബന്ധിക്കുകയും ചെയ്തുവെന്ന് പൊലിസ് പറഞ്ഞു. ഇവരുടെ കൈയില്‍ നിന്ന് 700 രൂപയും മൊബൈല്‍ ഫോണുകളും സംഘം അപഹരിച്ചിട്ടുണ്ട്. ഇരകളുടെ പരാതിയുടെ അടിസ്ഥാനത്തില്‍ കേസ് രജിസ്റ്റര്‍ ചെയ്തതായും നിയമപ്രകാരം ഉചിതമായ നടപടി സ്വീകരിക്കുമെന്നും ധരക്കോട്ടെ പൊലിസ്  പറഞ്ഞു.

Summery: A Dalit assistant professor, Dr Ravi, at SV Veterinary University’s Dairy Technology College in Andhra Pradesh, has alleged caste discrimination after the chair in his office was removed, leaving him to work seated on the floor.