കണ്ണൂർ: സ്‌കൂളുകളിലെ സൈക്കോ സോഷ്യൽ കൗൺസലർമാരുടെ നിയമനത്തിൽ മെല്ലെപ്പോക്ക്. സർക്കാർ, അൺ എയ്ഡഡ്, എയ്ഡഡ് മേഖലകളിലെ 12,959 സ്‌കൂളുകളിൽ ആകെയുള്ളത് 1005 പോസ്റ്റുകൾ മാത്രം. സർക്കാർ സ്‌കൂളുകളിൽ മാത്രമാണ് കൗൺസിലർമാരുള്ളത്. മിക്ക ജില്ലകളിലും ആളില്ല. രഹസ്യ സ്വഭാവത്തിൽ നടത്തേണ്ട കൗൺസിലിങിന് പ്രത്യേക മുറികൾ നൽകണമെന്ന് ഉത്തരവും പാലിക്കപ്പെടുന്നില്ല. മിക്ക സ്‌കൂളുകളിലും ലൈബ്രറി, ലാബുകൾ എന്നിവിടങ്ങളിലാണ് കുട്ടികൾ കൗൺസിലർമാരോട് സംസാരിക്കുന്നത്. ഇത് പലർക്കും അസ്വസ്ഥതയാണെന്നും തുറന്ന് സംസാരിക്കാൻ  മടികാണിക്കുന്നുണ്ടെന്നും കൗൺസിലർമാരുടെ സാക്ഷ്യം. കൗമാരപ്രായത്തിലുള്ള കുട്ടികളുടെ ശാക്തീകരണത്തിനായി വനിതാ ശിശുവികസന വകുപ്പിന്റെ കീഴിലാണ് സൈക്കോ സോഷ്യൽ പദ്ധതിയിൽ കൗൺസിലർമാരെ നിയമിക്കുന്നത്. 

മുമ്പ് ജില്ലാതലത്തിലായിരുന്നു നിയമനം. ജില്ലാ ശിശുവികസന വകുപ്പും ജില്ലാ പഞ്ചായത്തും കൂടിയാണ് ഇന്റർവ്യൂ നടത്തിയത്. 
എന്നാൽ കരാർ നിയമനങ്ങൾ എംപ്ലോയ്മെന്റ് എക്സ്ചേഞ്ച് വഴിയാക്കിയതിനാൽ ഓരോ ജില്ലയിലും ഒഴിവുകൾ റിപ്പോർട്ട് ചെയ്താൽ മറ്റു ജില്ലകളിൽ നിന്നുള്ളവരുമെത്തും. പലരും റിസൈൻ ചെയ്യുകയോ മറ്റു ജോലി ലഭിച്ച് പോകുകയും ചെയ്യും. അപ്പോൾ പോസ്റ്റ് വീണ്ടും ഒഴിഞ്ഞ് കിടക്കുന്ന അവസ്ഥയുണ്ടാകുമെന്നാണ് അധികൃതർ പറയുന്നത്. ഇത്തരത്തിൽ മുപ്പതോളം ഒഴിവുകൾ ഇപ്പോൾ തന്നെയുണ്ട്. ബ്ലോക്ക് തലത്തിലാണ് നിയമനം നടക്കുന്നത്. രണ്ടുമുതൽ അഞ്ചുവരെ സ്‌കൂളുകളിൽ ഒരു കൗൺസിലർ പോകേണ്ട സാഹചര്യമാണുള്ളത്. ഒരിടത്തു പോലും കൃത്യമായി ജോലി ചെയ്യാൻ കഴിയാത്ത അവസ്ഥയാണ്. 

ALSO READ: കേന്ദ്ര മന്ത്രി പങ്കെടുത്ത പരിപാടിക്കിടെ പൊലിസുകാരിയോട് ലൈംഗികാതിക്രമം; ബിജെപി നേതാവിനെതിരെ കേസ് 

അഞ്ചു മുതൽ പ്ലസ്ടു വരെയുള്ള സ്‌കൂളിലാണ് ചുമതല. ഒന്നിൽ കൂടുതൽ സ്‌കൂളുകളിൽ പോകേണ്ടി വരുമ്പോൾ പ്രശ്നങ്ങൾ കൃത്യമായി മനസിലാക്കാനും ഫോളോ ചെയ്യാനും സാധിക്കുന്നില്ല. പോക്‌സോ കേസുകൾ, വീടുവിട്ടിറങ്ങുന്ന കുട്ടികൾ, ആത്മഹത്യ ചെയ്യുന്ന വിദ്യാർഥികൾ, ലഹരി കേസുകളിൽ ഉൾപ്പെടുന്നവർ ഇവയുടെയെല്ലാം തുടക്കം അറിയാൻ കഴിഞ്ഞാൽ അപകടത്തിൽ നിന്ന് രക്ഷപ്പെടുത്താൻ സാധിക്കും. പോക്സോ കേസുകളിൽ കൗൺസലർമാരാണ് പെൺകുട്ടികളുടെ മൊഴിയെടുക്കുന്നത്. 

significant delay in the appointment of psychosocial counselors in schools. Out of 12,959 schools across government, aided, and unaided sectors, only 1,005 counselor posts have been sanctioned,