പൂനെ: കേന്ദ്ര മന്ത്രി നിതിന്‍ ഗഡ്കരി പങ്കെടുത്ത പരിപാടിക്കിടെ ഡ്യൂട്ടിയിലുണ്ടായിരുന്ന വനിത പൊലിസിനോട് ലൈംഗികാതിക്രമം നടത്തിയ ബിജെപി നേതാവിനെതിരെ കേസ്. മുതിര്‍ന്ന വനിത പൊലിസ് അംഗത്തിന്റെ പരാധിയിലാണ് പ്രാദേശിക ബിജെപി നേതാവായ പ്രമോദ് കോണ്‍ധ്രെക്കെതിരെ കേസെടുത്തത്. തിങ്കളാഴ്ച്ചയായിരുന്നു കേസിനാസ്പദമായ സംഭവം. 

കേന്ദ്ര മന്ത്രി നിതിന്‍ ഗഡ്ഗരി പങ്കെടുത്ത പരിപാടിയില്‍ ഡ്യൂട്ടിക്ക് ചെന്നതായിരുന്നു ഉദ്യോഗസ്ഥ. മന്ത്രി എത്തുന്നതിന് മുന്‍പ് വേദിക്കടുത്ത് നില്‍ക്കുമ്പോഴാണ് ബിജെപി നേതാവ് ഇവരോട് അപമര്യാദയായി പെരുമാറിയത്. സംഭവത്തില്‍ വിശദമായ അന്വേഷണം നടക്കുകയാണെന്നും, സിസിടിവി ദൃശ്യങ്ങളടക്കം പരിശോധിച്ച് തുടര്‍ നടപടികളിലേക്ക് കടക്കുമെന്നും പൊലിസ് അറിയിച്ചു. 

അതേസമയം കേസ് രജിസ്റ്റര്‍ ചെയ്തതിന് പിന്നാലെ ഇയാളെ പാര്‍ട്ടിയുടെ സിറ്റി പ്രസിഡന്റ് സ്ഥാനത്ത് നിന്ന് നീക്കിയതായി ബിജെപി അറിയിച്ചു. സ്ത്രീകള്‍ക്കെതിരായ അതിക്രമം ഒരു കാരണവശാലും വെച്ചുപൊറുപ്പിക്കില്ലെന്നും, പ്രതിക്ക് അര്‍ഹമായ ശിക്ഷ ലഭിക്കാന്‍ ആവശ്യമായ നടപടികള്‍ സ്വീകരിക്കുമെന്നും ബിജെപി നേതാവ് ചിത്ര വാഗ് പറഞ്ഞു.

ALSO READ: തോരാമഴ; ഏഴ് ജില്ലകളിലെയും, നിലമ്പൂർ, കുട്ടനാട്, ചേർത്തല താലൂക്കുകളിലെയും വിദ്യാഭ്യാസ സ്ഥാപനങ്ങൾക്ക് നാളെ അവധി

BJP leader has been booked for sexually harassing a woman police officer who was on duty during an event attended by Union Minister Nitin Gadkari. The incident reportedly took place near the venue, and based on the officer’s complaint and CCTV evidence, police registered a case.