തൃശൂർ: കൊടകരയിൽ പഴയ ഇരുനില കെട്ടിടം തകർന്ന് വീണ് അപകടം. മൂന്ന് തൊഴിലാളികൾ കെട്ടിടത്തിന് അടിയിൽപ്പെട്ടതായാണ് വിവരം. ഫയർ ഫോഴ്സും, പൊലിസും സ്ഥലത്തെത്തി രക്ഷാപ്രവർത്തനം നടത്തുകയാണ്. ജെസിബി ഉപയോ​ഗിച്ച് അവശിഷ്ടങ്ങൾ മാറ്റി ആളുകളെ പുറത്തെത്തിക്കാനാണ് ശ്രമം തുടരുന്നത്. 

രാവിലെ ആറ് മണിയോടെയാണ് അപകടമുണ്ടായത്. കെട്ടിടത്തിൽ പത്തിന് മുകളിൽ ആളുകൾ ഉണ്ടായിരുന്നതായാണ് റിപ്പോർട്ട്. ഇവരിൽ മൂന്നുപേർ ഒഴികെ മറ്റുള്ളവർ ഓടി രക്ഷപ്പെടുകയായിരുന്നു.  ഇതര സംസ്ഥാന തൊഴിലാളികള്‍ താമസിച്ചിരുന്ന ഇരുനില കെട്ടിടമാണ് തകര്‍ന്നത്. കെട്ടിടത്തിന് ഇരുപതോളം വർഷം പഴക്കമുണ്ടെന്നാണ് റിപ്പോർട്ട്. കഴിഞ്ഞ ദിവസമുണ്ടായ കനത്ത മഴയെ തുടര്‍ന്നാണ് കെട്ടിടം നിലംപൊത്തിയത്. തൊഴിലാളികള്‍ രാവിലെ ജോലിക്ക് പോവാന്‍ വേണ്ടി ഇറങ്ങുന്നതിനിടെയാണ് അപകടം.

updating

Old building collapses in Kodakara three workers trapped under the debris. Fire force and police have reached the spot and rescue operations are underway