മലപ്പുറം:  കാളമ്പാടി മഖാമില്‍ അന്ത്യവിശ്രമം കൊള്ളുന്ന മൗലാനാ അബ്ദുല്‍ അലികോമു മുസ്‌ലിയാര്‍, കോട്ടുമല അബൂബക്കര്‍ മുസ്‌ലിയാര്‍, കാളമ്പാടി മുഹമ്മദ് മുസ്‌ലിയാര്‍ എന്നിവരുടെ പേരിലുള്ള ഉറൂസിനു ഇന്ന് തുടക്കമാകും. വൈകീട്ട് ആറിന് സിയാറത്തും കൊടി ഉയര്‍ത്തലും നടക്കും. സമസ്ത ഉപാധ്യക്ഷന്‍ എം.ടി അബ്ദുല്ല മുസ്‌ലിയാര്‍ നേതൃത്വം നല്‍കും. ഏഴിന് മതപ്രഭാഷണ പരിപാടി സയ്യിദ് സാബിഖലി ശിഹാബ് തങ്ങള്‍ ഉദ്ഘാടനം ചെയ്യും. കാളാവ് സൈതലവി മുസ്‌ലിയാര്‍ അധ്യക്ഷനാകും. ജലീല്‍ റഹ്മാനി വാണിയന്നൂര്‍ പ്രസംഗിക്കും. നാളെ  രാവിലെ ആറിന് ഖത്മുല്‍ ഖുര്‍ആന്‍ സദസിനു അബ്ദുറഹ്മാന്‍ മുസ്‌ലിയാര്‍ കടുങ്ങല്ലൂര്‍ നേതൃത്വം നല്‍കും. ഉച്ചക്ക് രണ്ടിനു ഫിഖ്ഹ് കോണ്‍ഫറന്‍സ് സമസ്ത മുശാവറ അംഗം ടി.പി ഇപ്പ മുസ്‌ലിയാര്‍ ഉദ്ഘാടനം ചെയ്യും. നെറ്റ് വര്‍ക്ക് മാര്‍ക്കറ്റിങ്, ബാങ്ക് പലിശ എന്ന വിഷയത്തില്‍ ഹംസ  ഫൈസി ഹൈതമി വിഷയാവതരണം നടത്തും.
വൈകീട്ട് നാലിനു സിദ്ദീഖീസ് സംഗമം പാണക്കാട് സയ്യിദ് ശമീറലി ശിഹാബ് തങ്ങളുടെ അധ്യക്ഷതയില്‍ അബ്ദുറഹീം ബാഖവി കൂട്ടിലങ്ങാടി ഉദ്ഘാടനം ചെയ്യും. വൈകീട്ട് അഞ്ചിനു പ്രമുഖ സാദാത്തുക്കളുടേയും പണ്ഡിതന്‍മാരുടെയും നേതൃത്വത്തില്‍ മൗലീദ് മജ്‌ലിസ് നടക്കും. ഏഴിനു അനുസ്മരണ സമ്മേളനം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത പ്രസിഡന്റ് കുമരംപുത്തൂര്‍ എ.പി മുഹമ്മദ് മുസ്‌ലിയാര്‍ പ്രാര്‍ഥന നടത്തും. സമസ്ത ജനറല്‍ സെക്രട്ടറി കെ.ആലിക്കുട്ടി മുസ്‌ലിയാര്‍ അനുസ്മരണ പ്രഭാഷണം നടത്തും. സെക്രട്ടറി കോട്ടുമല ടി.എം ബാപ്പു മുസ്‌ലിയാര്‍ അധ്യക്ഷനാകും. എട്ടരക്ക് മജ്‌ലിസുന്നൂറിനു ഹസന്‍ സഖാഫി പൂക്കോട്ടൂര്‍ നേതൃത്വം നല്‍കും. ഒന്‍പതിന് ദിക്‌റ് -ദുആ മജ്‌ലിസിനു ഏലംകുളം ബാപ്പു മുസ്‌ലിയാര്‍ നേതൃത്വം നല്‍കും. അന്നദാനത്തോടെ സമാപിക്കും.