മലപ്പുറം:  പരിധിയില്ലാതെ ഒരു മാസത്തെ ശമ്പളം ബോണസായി അനുവദിക്കുമെന്ന രീതിയില്‍ ബജറ്റ് അവതരിപ്പിച്ച സര്‍ക്കാര്‍ ബോണസ്, ഉത്സവബത്ത ഇനങ്ങളില്‍ സ്വീകരിച്ച നിലപാട് തിരുത്തുക, കോട്ടക്കല്‍ ദേശീയപാത വിഭാഗത്തിലെ റവന്യൂ ജീവനക്കാര്‍ക്ക് തുടര്‍ച്ചാനുമതി നല്‍കാതെ രണ്ട്  മാസമായി മുടങ്ങികിടക്കുന്ന ശമ്പളം ഉടന്‍ അനുവദിക്കുക തുടങ്ങിയ ആവശ്യങ്ങള്‍  ഉന്നയിച്ച് സ്റ്റേറ്റ് എംപ്ലോയീസ് യൂനിയന്‍ ജില്ലാ കമ്മിറ്റി സിവില്‍ സ്‌റ്റേഷനില്‍  പ്രതിഷേധ പ്രകടനം നടത്തി.
എം.എ മുഹമ്മദാലി, കെ.അബ്ദുല്‍ ബഷീര്‍, ആമിര്‍  കോഡൂര്‍, വി.പി സമീര്‍, ഇ.സി നൂറുദ്ദീന്‍, ഹമീദ് കുന്നുമ്മല്‍, സലീം ആലക്കല്‍,  സാദിഖലി വെള്ളില, ഹംസ പൂക്കോടന്‍, മുഹമ്മദ് ഷെരീഫ് എന്നിവര്‍ നേതൃത്വം  നല്‍കി.