കൊച്ചി: സംസ്ഥാനത്തെ സർവകലാശാലകളിൽ സ്ഥിരം വൈസ് ചാൻസലർമാരെ നിയമിക്കാത്തതിൽ സർക്കാരിനും ​ഗവർണർക്കുമെതിരെ വിമർശനവുമായി ഹൈക്കോടതി. ജസ്റ്റിസ് അധ്യക്ഷനായ ഡിവിഷന്‍ ബെഞ്ചാണ് സർക്കാരിനെയും, ​ഗവർണറെയും വിമർശിച്ചത്. സ്ഥിരം വിസിമാർ ഇല്ലാത്തത് ഉന്നത വിദ്യാഭ്യാസ മേഖലയ്ക്ക് ​ഗുണകരമല്ലെന്ന് വ്യക്തമാക്കിയ ഹൈക്കോടതി, സംസ്ഥാനത്തെ 13 സർവകലാശാലകളിൽ 12 എണ്ണത്തിലും സ്ഥിരം വിസിമാർ ഇല്ലാത്തത് ഗുരുതരമായ സ്ഥിതിവിശേഷമാണെന്ന് നിരീക്ഷിച്ചു. 

ALSO READ: വി.എസ് അച്യുതാനന്ദന്റെ ആരോഗ്യ നിലയില്‍ മാറ്റമില്ല

കേരള സർവകലാശാല വിസിയുടെ അധിക ചുമതല ഡോ. മോഹൻ കുന്നുമ്മലിന് നൽകിയതിനെ ചോദ്യം ചെയ്ത് കൊണ്ട് സെനറ്റ് അംഗങ്ങളായ ഡോ. എ. ശിവപ്രസാദും പ്രിയ പ്രിയദർശനും നൽകിയ ഹരജി കഴിഞ്ഞ ദിവസം ഹൈക്കോടതി തള്ളിയിരുന്നു. ഡോ. മോഹൻ കുന്നുമ്മലിനെ താത്കാലിക വിസിയായി നിയമിച്ച ഗവർണറുടെ തീരുമാനത്തിനെതിരെ ഉയർന്ന ഹരജിയാണ് കോടതി തള്ളിയത്.

മോഹൻ കുന്നുമ്മലിന് 60 വയസ് കഴിഞ്ഞുവെന്നും ഗവേഷണ ബിരുദം ഇല്ലെന്നും ഹരജിയിൽ ആരോപിച്ചിരുന്നു. അതേസമയം, സ്ഥിരം വിസി നിയമനം വൈകിയ സാഹചര്യത്തിൽ സർവകലാശാലയുടെ പ്രവർത്തനങ്ങൾ സുഗമമായി നടക്കാനാണ് താത്കാലിക വിസിയെ നിയമിച്ചതെന്ന ഗവർണറുടെ വാദം അംഗീകരിച്ചാണ് കോടതി ഹരജി തള്ളിയത്.

The Kerala High Court has expressed strong disapproval towards the state government and Governor Arif Mohammed Khan for failing to appoint permanent Vice Chancellors in universities. A division bench emphasized that the absence of permanent Vice Chancellors in 12 out of 13 universities is a serious situation detrimental to the higher education sector. The court has directed the authorities to initiate steps to appoint permanent Vice Chancellors, highlighting the need for stability and effective governance in academic institutions ¹.