ബംഗളൂരു: ജാതി വിവേചനത്തിന്റെ പേരില്‍ കര്‍ണാടകയിലെ ചാമരാജ് നഗര്‍ ഹോമ സര്‍ക്കാര്‍ പ്രൈമറി സ്‌കൂള്‍ അടച്ചുപൂട്ടല്‍ ഭീഷണിയില്‍. സ്‌കൂളില്‍ പാചകക്കാരിയായി ദലിത് യുവതിയെ നിയമിച്ചതിന്റെ പേരിൽ രക്ഷിതാക്കള്‍ കുട്ടികളെ കൂട്ടത്തോടെ വിടുതല്‍ വാങ്ങി പോയതാണ് പ്രതിസന്ധിക്ക് കാരണം. സ്‌കൂളില്‍ ഈ അധ്യയന വര്‍ഷം പ്രവേശനം നേടിയ 22 വിദ്യാര്‍ഥികളില്‍ 21 പേരും വിടുതല്‍ സര്‍ട്ടിഫിക്കറ്റ് വാങ്ങി മറ്റ് സ്‌കൂളുകളില്‍ ചേര്‍ന്നു. 

ദലിത് പാചകക്കാരി സ്‌കൂളിലെത്തിയതോടെ രക്ഷിതാക്കളുടെ നിര്‍ദേശത്തെ തുടര്‍ന്ന് കുട്ടികള്‍ സ്‌കൂളില്‍ നിന്നുള്ള ഭക്ഷണം കഴിക്കാതെയായി. ഏഴോളം കുട്ടികള്‍ മാത്രമാണ് സ്‌കൂളിലെ പ്രഭാത- ഉച്ച ഭക്ഷണം കഴിച്ചിരുന്നത്. പിന്നീട്, ഉയര്‍ന്ന ജാതിയില്‍പെട്ട രക്ഷിതാക്കള്‍ സംഘടിച്ച് മുഴുവന്‍ കുട്ടികളുടെയും രക്ഷിതാക്കളെ പിന്തിരിപ്പിച്ചു. 

സംഭവത്തില്‍ വിദ്യാഭ്യാസ വകുപ്പും ജില്ലാ പൊലിസ് മേധാവിയും റവന്യൂ അധികാരികളും ഇടപെട്ടെങ്കിലും ദലിത് പാചകക്കാരിയുള്ളതിനാല്‍ കുട്ടികളെ സ്‌കൂളിലേക്ക് അയക്കില്ലെന്ന നിലപാടിലാണ് രക്ഷിതാക്കള്‍. അതേസമയം, അയിത്തം പോലുള്ള ദുരാചാരങ്ങളുടെ പേരില്‍ നിയമ നടപടി നേരിടേണ്ടി വരുമെന്ന ഭീതിയില്‍ സ്‌കൂളിലെ അധ്യാപനം പോരെന്ന കാരണമാണ് ചര്‍ച്ചകളില്‍ രക്ഷിതാക്കള്‍ ഉന്നയിക്കുന്നത്. ആരോപണത്തെക്കുറിച്ച് വിശദമായി അന്വേഷിക്കുമെന്നും  തെളിഞ്ഞാല്‍ കുറ്റക്കാര്‍ക്കെതിരേ കര്‍ശന നടപടി സ്വീകരിക്കുമെന്നും ചാമരാജ് നഗര്‍ പൊലിസ് മേധാവി കവിത പറഞ്ഞു.

Karnataka’s Chamarajanagar, parents withdrew 21 of 22 students from Homma Government Higher Primary School after a Dalit woman, Lingamma, was appointed head cook. Alleging caste bias, parents sought transfer certificates, threatening school closure. Only one student remains. Authorities are investigating, with SP Kavitha promising strict action if untouchability is confirmed. Some parents cite poor education quality as the reason.