അടുത്ത ഐപിഎൽ സീസണിൽ രാജസ്ഥാൻ റോയൽസ് നായകൻ സഞ്ജു സാംസൺ ചെന്നൈ സൂപ്പർ കിങ്സിലേക്ക് പോകുന്നുവെന്ന വാർത്തകൾ ശക്തമായി നിലനിന്നിരുന്നു. ഇപ്പോഴിതാ ഈ വിഷയത്തെ സംബന്ധിച്ചുള്ള ഏറ്റവും പുതിയ ഒരു റിപ്പോർട്ടാണ് പുറത്തുവന്നിട്ടുള്ളത്. സഞ്ജുവിനെ സ്വന്തമാക്കാൻ ചെന്നൈ ശ്രമങ്ങൾ നടത്തുന്നുണ്ട് എന്നാണ് സിഎസ്കെ ഒഫീഷ്യൽസ് അറിയിച്ചത്. ക്രിക് ബസാണ് ഇക്കാര്യം റിപ്പോർട്ട് ചെയ്യുന്നത്.

"ഞങ്ങൾ തീർച്ചയായും സഞ്ജു സാംസണെയാണ് നോക്കുന്നത്. അവൻ ഒരു ഇന്ത്യൻ ബാറ്ററും ഒരു കീപ്പറും ഓപ്പണറുമാണ്. അതിനാൽ, അവൻ ലഭ്യമാണെങ്കിൽ, അവനെ ഞങ്ങളുടെ കൂട്ടത്തിൽ ഉൾപ്പെടുത്താനുള്ള ഓപ്ഷൻ ഞങ്ങൾ തീർച്ചയായും നോക്കും" സിഎസ്കെ ഒഫീഷ്യൽസ് ക്രിക് ബസിനോട് പറഞ്ഞു.

നിലവിൽ കേരള ക്രിക്കറ്റ് ലീഗിന്റെ രണ്ടാം സീസണിൽ കളിക്കാനുള്ള തയ്യാറെടുപ്പിലാണ് സഞ്ജു. പുതിയ സീസണിന് മുന്നോടിയായി നടക്കുന്ന താര ലേലത്തിൽ സഞ്ജു തന്റെ പേര് രജിസ്റ്റർ ചെയ്തിട്ടുണ്ട്. കഴിഞ്ഞ സീസണിൽ സഞ്ജു ടൂർണമെന്റിന്റെ ഭാഗമായിരുന്നില്ല. അതുകൊണ്ടുതന്നെ സഞ്ജു ഏത് ടീമിനു വേണ്ടി ആയിരിക്കും കളിക്കുക എന്ന ആകാംക്ഷയിലാണ് മലയാളി ക്രിക്കറ്റ് ആരാധകർ. ലേലത്തിൽ സഞ്ജുവിനെ സ്വന്തമാക്കാൻ ശക്തമായ പോരാട്ടം ടീമുകൾ കാഴ്ചവെക്കുമെന്ന് ഉറപ്പാണ്. ലേലത്തിൽ ഏറ്റവും തുകലഭിക്കാൻ സാധ്യത കൽപ്പിക്കപ്പെടുന്ന താരവും സഞ്ജുവാണ്.

അതേസമയം ഐപിഎല്ലിൽ ഈ സീസണിൽ രാജസ്ഥാൻ റോയൽസ് നിരാശാജനകമായ പ്രകടനമാണ്‌ പുറത്തെടുത്തത്. എട്ട് പോയിന്റുമായി ഒമ്പതാം സ്ഥാനത്താണ് രാജസ്ഥാൻ ഫിനിഷ് ചെയ്‌തത്. പരുക്കേറ്റതിന് പിന്നാലെ സഞ്ജുവിന് രാജസ്ഥാനൊപ്പമുള്ള ധാരാളം മത്സരങ്ങൾ നഷ്ടമായിരുന്നു. 

ഡൽഹി ക്യാപ്പിറ്റൽസിനെതിരായ മത്സരത്തിൽ പരുക്കേറ്റ് സഞ്ജു പുറത്തായിരുന്നു. മത്സരത്തിൽ റിട്ടയേർഡ് ഹാർട്ടായാണ് സഞ്ജു മടങ്ങിയത്. മത്സരത്തിൽ 19 പന്തിൽ 31 റൺസായിരുന്നു സഞ്ജു നേടിയിരുന്നത്. രണ്ട് ഫോറുകളും ഒരു സിക്‌സും നേടിക്കൊണ്ട് മിന്നും ഫോമിൽ തുടരവെയാണ് സഞ്ജുവിനു ഈ തിരിച്ചടി നേരിടേണ്ടി വന്നത്.

There have been strong reports that Rajasthan Royals captain Sanju Samson is going to Chennai Super Kings in the next IPL season. Now, a latest report has emerged on the subject.