പട്‌ന: ലോക്‌സഭാ പ്രതിപക്ഷ നേതാവ് രാഹുൽ ഗാന്ധി നയിക്കുന്ന വോട്ടർ അധികാർ യാത്ര 14 ാം ദിവസത്തിലേക്ക് കടന്നു.  ഇന്ന് സാരൺ ജില്ലയിലെ എക്മയിൽ നിന്ന് യാത്ര പുനരാരംഭിക്കും. ചപ്ര വഴി ആറയിലേക്കാണ് ഇന്നത്തെ പര്യടനം. വൻജനപങ്കാളിത്തമാണ് യാത്രയ്ക്ക് ലഭിക്കുന്നത്. തെരുവുകൾ തോറും ജനം കാത്ത് നിന്നാണ് രാഹുലിനെ വരവേൽക്കുന്നത്. മിക്ക ഇടങ്ങളിലും രാഹുൽ ഗാന്ധിക്ക് ആശംസകൾ അറിയിച്ച് ബാനറുകളും അലങ്കാരങ്ങളും ഒരുക്കിയിട്ടുണ്ട്.

ഇന്നലെ രാവിലെ ബേത്യയിൽ നിന്നാംരഭിച്ച യാത്ര മംഗൽപൂർ, വിഷൻപൂർ, മോണിയ ചൗക്ക് എന്നിവിടങ്ങളിലെ പര്യടനത്തിന് ശേഷം സിവാനിൽ സമാപിച്ചു. യാത്രയിൽ അണിചേരാനായി സമാജ്‍വാദി പാർട്ടി അധ്യക്ഷൻ അഖിലേഷ് യാദവ് പട്‌നയിലെത്തി. അദ്ദേഹം ഇന്ന് യാത്രയൊടൊപ്പം ചേരും. തേജസ്വി യാദവ്, ദീപാങ്കർ ഭട്ടാചാര്യ, മുകേഷ് സാഹ്നി തുടങ്ങിയവർ രാഹുലിനൊപ്പം യാത്രയിൽ അണിനിരന്നു. വൻ ജനാവലിയാണ് രാഹുലിനെ വരവേൽക്കാനും ഒപ്പം ചേരാനുമായി ഒഴുകിയെത്തുന്നത്.

വോട്ട് മേഷണം ഭരണഘടനയ്‌ക്കെതിരായ ആക്രമണമാണെന്ന് രാഹുൽ ഗാന്ധി പറഞ്ഞു. പൗരത്വമില്ലാത്ത ജനങ്ങളെ സൃഷ്ടിക്കാനുമാണ് ഭരണകൂടം ശ്രമിക്കുന്നത്. വോട്ട് മോഷ്ട്ടിക്കുന്നവർക്കെതിരായ വികാരമാണ് വോട്ടർ അധികാർ യാത്രയിൽ ഉടനീളം മുഴങ്ങുന്നതെന്നും രാഹുൽ പറഞ്ഞു.