ഐപിഎല്ലിൽ ഒരുമിച്ച് കളത്തിൽ ബാറ്റ് ചെയ്യാൻ ഇഷ്ടപ്പെടുന്ന താരമാരാണെന്ന് പറഞ്ഞിരിക്കുകയാണ് ഇംഗ്ലണ്ട് സൂപ്പർതാരം ജോസ് ബട്ലർ. ഗുജറാത്ത് ടൈറ്റൻസ് യുവതാരം സായ് സുദർശനെക്കുറിച്ചാണ് ബട്ലർ പറഞ്ഞത്. സായ് സുദർശന്റെ ബാറ്റിങ് പ്രകടനങ്ങളെക്കുറിച്ചും ഇംഗ്ലണ്ട് താരം സംസാരിച്ചു.  

''ഞാൻ ഒരുമിച്ച് ബാറ്റ് ചെയ്യാൻ ഇഷ്ടപ്പെടുന്ന ചില താരങ്ങളുണ്ട്. ഐപിഎല്ലിൽ സായ് സുദർശനൊപ്പം ബാറ്റ് ചെയ്യാൻ എനിക്ക് ഇഷ്ടപ്പെടുന്നുണ്ട്. വളരെ നല്ല പെരുമാറ്റമാണ് അവന്റേത്. ബാറ്റ് ചെയ്യുമ്പോൾ ഞങ്ങൾ അധികം സംസാരിക്കാറില്ല. ടീമിനായി അവൻ വളരെ ഉത്തരവാദിത്തോടെയാണ് കളിക്കുന്നത്. ക്രീസിൽ ഒരു ഭാഗത്തു നിന്നും ഞാൻ ബുദ്ധിമുട്ടുമ്പോഴും അവൻ കുഴപ്പത്തിലാകാറില്ല'' ജോസ് ബട്ലർ പറഞ്ഞു. 

ഐപിഎല്ലിൽ ഈ സീസണിൽ ഗുജറാത്ത് ടൈറ്റൻസിനായി മിന്നും പ്രകടനമാണ് സായ് പുറത്തെടുത്തത്. ഈ സീസണിലെ ഓറഞ്ച് ക്യാപ് സ്വന്തമാക്കിയത് സായ് സുദർശനാണ്. 15 മത്സരങ്ങളിൽ നിന്നും 759 റൺസാണ് സായ് സുദർശൻ നേടിയത്. ഫസ്റ്റ് ക്ലാസ് ക്രിക്കറ്റിലും മികച്ച പ്രകടനമാണ് ഈ തമിഴ്‌നാട്ടുകാരൻ നടത്തിക്കൊണ്ടിരിക്കുന്നത്.

ഈ ഐപിഎൽ സീസണിൽ ഗുജറാത്ത് ടൈറ്റൻസിന്റെ പേരോട്ടത്തിൽ പ്രധാനമായ പങ്കുവെച്ച മൂന്നു താരങ്ങളായിരുന്നു ക്യാപ്റ്റൻ ശുഭ്മാൻ ഗിൽ,  ബട്ലർ, സായ് സുദർശൻ എന്നിവർ. ഇരുവരുടെയും മികച്ച ബാറ്റിംഗ് പ്രകടനങ്ങളാണ് ഗുജറാത്തിനെ ഈ സീസണിൽ മുന്നോട്ട് നയിച്ചത്. ഇരുവരും ഈ സീസണിൽ 500+ റൺസ് സ്കോർ ചെയ്തിട്ടുണ്ട്. ഐപിഎല്ലിന്റെ ചരിത്രത്തിൽ ഇതാദ്യമായിട്ടാണ് ഒരു ടീമിലെ മൂന്ന് താരങ്ങൾ ഒരു സീസണിൽ 500+ റൺസ് സ്കോർ ചെയ്യുന്നത്. ഇതിനുമുമ്പ് ഒരു സീസണിൽ ഒരു ടീമിലെ രണ്ട് താരങ്ങൾ മാത്രമാണ്‌ 500+ റൺസ് നേടിയിട്ടുള്ളൂ. 

2024-25 രഞ്ജി ട്രോഫിയിൽ മികച്ച പ്രകടനമായിരുന്നു സായ് പുറത്തെടുത്തത്. തമിഴ്‌നാടിനായി വെറും മൂന്ന് മത്സരങ്ങളിൽ നിന്ന് 304 റൺസായിരുന്നു സായ് അടിച്ചെടുത്തത്. ഡൽഹിക്കെതിരെ ഇരട്ട സെഞ്ച്വറി നേടിയും താരം തിളങ്ങിയിരുന്നു. കൗണ്ടി ക്രിക്കറ്റിലും തന്റെ പ്രതിഭ പുറത്തെടുക്കാൻ സായ്ക്ക് സാധിച്ചിട്ടുണ്ട്. സറേയ്‌ക്കൊപ്പം അഞ്ച് മത്സരങ്ങളിൽ നിന്ന് 281 റൺസ് താരം നേടിയിട്ടുണ്ട്. ഈ തകർപ്പൻ പ്രകടനങ്ങൾക്ക് പിന്നാലെ ഇംഗ്ലണ്ടിനെതിരായ അഞ്ചു ടെസ്റ്റ് മത്സരങ്ങൾക്കുള്ള ഇന്ത്യൻ ടീമിലും താരം ഇടം നേടി. 

England player Jos Buttler has said that they are the players who like to bat together on the field in the IPL